Саалтыр 145 - Сибэтиэй Биибилийэ кинигэлэрэ

¹ Аллилуия.

² Айхаллаа, дууһам миэнэ, Айыы Тойону!

³ Баарым тухары Айыы Тойону айхаллыам; тыыннааҕым тухары Таҥарабар ырыа ыллыам. Эрэнимэҥ кинээстэргэ, кимиэхэ даҕаны – кинилэр эһигини быыһыахтара суоҕа.

⁴ Тыына быһынна да, киһи сиргэ төннөр, тугу торумнаабыта барыта ол күн үрэллэр.

^5-6 Дьоллоох даҕаны Иаков Таҥарата көмөлөһөр киһитэ! Кини сири-халлааны, муораны, онно баары барытын айбыт, үйэлэр тухары итэҕэллээх Айыы Тойон Таҥаратыгар эрэмньилээх.

⁷ Айыы Тойон күөмчүлэммити көмүскүүр, ааспыты-туорбуту аһатар. Айыы Тойон хаайыылааҕы босхолуур,

⁸ Айыы Тойон көрбөтү көрөр оҥорор, Айыы Тойон бүк түспүтү көннөрөр, Айыы Тойон көнө дьону таптыыр.

⁹ Кини кэлии дьону араҥаччылыыр, тулаайаҕы, огдообону өйүүр-убуур, оттон нэгэйдэр суолларын муҥур уһуктуур.

¹⁰ Айыы Тойон үйэттэн үйэҕэ ыраахтааҕылыаҕа, Сион, эн Таҥараҥ көлүөнэттэн көлүөнэҕэ салайыаҕа. Аллилуия.