Саалтыр 141 - Сибэтиэй Биибилийэ кинигэлэрэ

1 Давид үөрэтиитэ. Хайа хаспаҕар сылдьан үҥүүтэ.

¹ Давид үөрэтиитэ. Хайа хаспаҕар сылдьан үҥүүтэ. Куолаһым муҥунан мин Айыы Тойону ыҥырдым, куолаһым муҥунан Айыы Тойонтон ааттастым.

² Кыһалҕабын Киниэхэ кэпсээтим, курус санаабын Киниэхэ арыйдым.

³ Эр санаам энчириир кэмигэр Эн билэриҥ мин сылдьар ыллыкпын. Кэлэр-барар суолбар кинилэр миэхэ, кистээн, угаайы оҥорбуттар.

⁴ Уҥа өттүбүн көрөбүн: ким да миигин билиммэт; куотар сирим миэхэ суох буолбут, ким да мин туспар кыһаммат.

⁵ Эйигин мин ыҥырдым, Айыы Тойон, Эйиэхэ эттим: «Эн буолаҕын мин бигэ тирэҕим, бу тыыннаахтар сирдэригэр аналым!

⁶ Иһит мин энэлгэммин: мин олох эһинним. Күөмчүһүттэртэн миигин өрүһүй – кинилэр миигиннээҕэр күүстээхтэр.

⁷ Эн ааккын албан аатырдыахпын, миигин хаайыыттан таһаар. Эн миэхэ үтүөтүк сыһыаннастаххына, тулабар көнө дьон мустуохтара».