Саалтыр 127 - Сибэтиэй Биибилийэ кинигэлэрэ

1 Дабайыы ырыата.

¹ Дабайыы ырыата. Айыы Тойонтон сүгүрүйэ толлор, Кини суолунан сылдьар дьон бука бары дьоллоохтор.

² Эн бэйэҥ үлэлээн-хамсаан айаххын булунуоҥ, дьоллоох-соргулаах, үтүө туруктаах буолуоҥ.

³ Дьиэҕэр кэргэниҥ – виноград толору астаах умнаһа, остуолуҥ тула уолаттарыҥ – маслина маһын лабаалара.

⁴ Айыы Тойонтон толлор киһи маннык алгыска тиксиэҕэ.

⁵ Айыы Тойон эйигин Сионтан алҕаатын; үйэҥ тухары эйиэхэ Иерусалим эйэлээх олоҕун көрдөрдүн;

⁶ уолаттарыҥ уолаттарын эйиэхэ көрдөрдүн. Израиль үрдүнэн эйэ чэчирээтин!