Саалтыр 112 - Сибэтиэй Биибилийэ кинигэлэрэ

¹ Аллилуия. Айхаллааҥ, Айыы Тойон кулуттара, айхаллааҥ Айыы Тойон аатын.

² Алгыс буоллун Айыы Тойон аатыгар аны мантан инньэ үйэлэр тухары.

³ Айхаллана турдун Айыы Тойон аата илинтэн арҕааҥҥа диэри.

⁴ Айыы Тойон бары норуоттар үрдүлэринэн турар; Кини албан аата халлааннары аһара барар.

⁵ Ким баарый биһиги Айыы Тойон Таҥарабытыгар холоонноох? Ким Кини курдук, үөһэ турар бүрүстүөлүттэн

⁶ сири-халлааны сиксигинэн көрө-истэ олороруй?

⁷ Кини дьадаҥыны сиртэн-буортан өрө тардар, кыраны-хараны киртэн-хахтан таһаарар,

⁸ итиэннэ кинини кинээстэри кытта, норуотун кинээстэрин кытта биир кэккэҕэ олордор.

⁹ Кини оҕото суох дьахтары, дьиэ-уот тэрийэн, оҕолоруттан үөрэр ыал ийэтэ оҥорор. Аллилуия.