Саалтыр 111 - Сибэтиэй Биибилийэ кинигэлэрэ

¹ Аллилуия. Ким Айыы Тойонтон сүгүрүйэ толлор, Кини кэриэстэрин күүскэ таптыыр, ол дьоллоох.

² Кини удьуора сиргэ күүстээх буолуоҕа, көнө дьон сыдьаана алгыска тиксиэҕэ.

³ Кини дьиэтэ-уота барҕара байыаҕа, кырдьыктаах быһыыта үйэлэргэ барыаҕа.

⁴ Кырдьыксыт киһиэхэ хараҥаҕа да сырдык тыгар, кини үтүө санаалаах, амарах, кырдьыгынан сылдьар.

⁵ Үтүө киһи бэринньэҥ илиилээх, иэс-күүс бэрсэр; бары дьыалатын-куолутун көнөтүк оҥорор.

⁶ Кырдьыксыт хаһан да тулхадыйыа суоҕа, үйэлэр тухары умнуллуо суоҕа.

⁷ Куһаҕан сурахтан кини дьулайыа суоҕа: Айыы Тойоҥҥо эрэмньилээх буолан, сүрэҕэ бөҕөх.

⁸ Кини санаата бигэ, онон дьиксиниэ суоҕа; тиһэҕэр өстөөхтөрүн өрөгөйдүү көрүөҕэ.

⁹ Кини дьэллэмник үллэрэр, дьадаҥыга бэрсэр; кини кырдьыктаах быһыыта үйэлэргэ барыаҕа, дириҥ ытыктабылга кини сылдьыаҕа.

¹⁰ Нэгэй киһи, ону көрөн, таала кырыыланар; кини тииһин хабырынар уонна суола суох сүтэр; хара санаалаахтар баҕа санаалара туолуо суоҕа.