Саалтыр 1 - Сибэтиэй Биибилийэ кинигэлэрэ

I КИНИГЭТЭ 1–40 псаломнар

1 Давид псалома.

¹ Давид псалома. Ким нэгэйдэр сүбэлэрин истибэт, аньыылаахтар суолларын тутуспат, итэҕэли күлээччилэри эҥээрдэспэт, ол дьоллоох.

² Айыы Тойон Сокуонуттан кини үөрүүнү булар, ол Сокуону күннэри-түүннэри саныы сылдьар.

³ Кини сүүрүктээх уу аттыгар олордуллубут, кэмэ кэллэ да, аһын биэрэр, кэхтэри билбэт сэбирдэхтээх үөл маска холоонноох; бары дьайыытыгар кини ситиһиилээх.

⁴ Оттон нэгэй быһыылаахтар чыҥха атыттар – кинилэр тыал ыһар мэкиинэтин курдуктар.

⁵ Онон тулуйуохтара суоҕа нэгэйдэр Таҥара дьүүлүн, аньыылаахтар – көнө дьон түмсүүтүн.

⁶ Айыы Тойон көнө дьон суолун билэр, оттон нэгэйдэр суоллара өлүүгэ тиэрдэр.