Pakɔsje 95 - Maktub gə́ To gə Kəmee

Pa ɓar na̰

¹ Gə́ reeje ar sí j’ɔsje pa gə boo-rɔkal J’arje Njesigənea̰ lé, Ar sí n’raje né wəl gə rɔlel Par gə́ dɔ biri mbal gə́ ka̰ kaji lə sí lé tɔ.

² Ar sí j’awje nea̰’g gə pa pidee ləm, Maji kar ndu paje gə́ ka̰ kila riɓar dəa’g lé Ɓar ɔr loo lɔi-lɔi ləm tɔ,

³ Mbata Njesigənea̰ lé to Ala gə́ boo dum dɔ loo ya ləm, Yeḛ to mbai gə́ boi gə́ ur dɔ magəje’g lai-lai dɔ naŋg nee ya ləm tɔ.

⁴ Yeḛ wa kuru lə naŋg gə́ uru ŋgudu-ŋgudu lé jia’g ləm, Dɔ sém mbalje kara to gə́ kea̰-yeḛ nja ləm tɔ.

⁵ Baa-boo-kad lé to gə́ kea̰-yeḛ nja Mbata yeḛ nja ɓa ra ləm, Naŋg lé kara jia-yeḛ nja ɓa unda ləm tɔ.

⁶ Gə́ reeje ar sí j’undaje barmba J’osoje ne kul nea̰’g, Ar sí j’ɔsje kəji sí no̰ Njesigənea̰’g Gə́ to njekunda sí lé

⁷ Mbata yeḛ lé to Ala lə sí ya, Jeḛ n’toje koso-dəwje gə́ j’aar mee loo-ko̰-mu’g ləa lé ləm, Jeḛ n’toje gə́ koso-nékulje gə́ yeḛ nja o̰ sí gə jia ya ləm tɔ. Ǝi, ɓó lé seḭ asjekəm kooje ndia ɓogənè ndá

⁸ Arje meḛ sí ndər to gə́ deḛ ra ne mee ɓee gə́ Meriba lé el ləm, Esé to gə́ mee ndəa gə́ Masa gə́ dɔdilaloo’g lé bèe el ləm tɔ.

⁹ Lée neelé ya ɓa bɔ síje-je d’aḭ mee neḛ keneŋ D’oo ne kula ra neḛje gao ya Nɛ deḛ d’aḭ mee neḛ ya.

¹⁰ Koso-dəwje neelé taa rɔm togə́bè as ləbm rɔ-sɔ Am m’ə̰ji dee bəḭ-bəḭ m’pana: To koso-dəwje gə́ meḛ dee ər dee Ar dee gər ne rəwje ləm el.

¹¹ Yen ɓa məəm ḭ ne səm jugugu Am m’un ne ndum njaŋg gə rɔkubu m’pana: D’a kila gɔl dee loo-kwa-rɔ’g ləm lé nda̰ el.