Pakɔsje 76 - Maktub gə́ To gə Kəmee

Ala to njekungaŋga

¹ Pakɔs lə Asap gə́ ar bao-pa mba karee ɔs sə dee lé. D’ɔs gə nékimje gə́ gə kuláje.

² Ala ar dee gəree mee ɓee gə́ Juda gao ləm, Ria kara ɓar mḭ mee ɓee gə́ Israɛl’g ya ləm tɔ.

³ Kəi-kubu ləa lé to Salem’g ləm, Loo-siée kara to Sio̰’g ya ləm tɔ.

⁴ Lée neelé nja ɓa yeḛ guru ɓandaŋgje Gə dərje gə kiambasje gə nérɔje lé keneŋ ya tɔ.

⁵ I lé boo-ronduba ləi gə siŋgamoŋ ləi Ur dɔ mbalje gə́ to ɓəl lé.

⁶ Bao-rɔje gə́ njékwa diŋgam meḛ dee’gje lé D’unda dee banrɔ ya, D’oso gə rudu ɓi lə dee, Deḛ bao-rɔje lai neelé d’oo loo kaḭ bada dɔ rɔ dee’g el.

⁷ Loo gə́ i Ala lə Jakob lé tɔji dee jii ndá Njérɔ gə kundaje gə kundaje lə dee na̰’d deḛ toɓi ndələŋ.

⁸ Ǝi, i lé to ɓəl kədm-kədm! See na̰ ɓa askəm kaar dɔ gɔlee’g njaŋg Loo gə́ oŋg ḭ səi wa.

⁹ I si mee dara’g ila mber rəwta-gaŋg lé, Ndá njé gə́ dɔ naŋg nee ɓəl unda dee badə gaŋg dee ar dee d’isi jim

¹⁰ Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

¹¹ Dəw lé lé si dan oŋg’d ləa kara a kɔs gajii ya Loo gə́ boo-oŋg ləi lai taa rɔi pəl-pəl.

¹² Maji kar sí unje ndu sí arje Ala lə sí gə́ Njesigənea̰ lé Ndá tɔlje ne təa bém ya. Deḛ lai gə́ gugu dəa sub lé Maji kar dee ree gə nénojije d’ar Ala gə́ to ɓəl kədm-kədm lé.

¹³ Beelé lə mbai-ɓeeje lé yeḛ undá naŋg rab-rab ləm, Yeḛ to ɓəl kədm-kədm kəm mbaije gə́ dɔ naŋg nee ləm tɔ.