Pakɔsje 54 - Maktub gə́ To gə Kəmee

Tamaji lə dəw gə́ d’ula kəmee ndòo

¹ Pakɔs gə́ d’ar bao-pa mba karee ɔs sə dee lé. Deḛ d’ɔs gə nékim gə́ gə kulaje.

² Loo gə́ Jibje ree d’ula Sawul pana: Dabid lé see iya rəa mbuna neḛje’g el wa.

³ Ǝi Ala, maji kari ajim gə goo rii gə́ ɓar ləm, Maji kari ra rəwta ləm gə goo siŋgamoŋ ləi ləm tɔ.

⁴ Ǝi Ala, maji kari oo ndu tamaji ləm, Ur mbii oo ne taje gə́ teḛ tam’g lé ya tɔ.

⁵ Mbata dəwje gə́ d’ḭ raŋg lé d’ḭ səm, Gayim-dəwje kara ndigi tujim to Ɓó d’ə̰ji ta meḛ dee’g teḛ ne dɔ Ala’g lé el.

⁶ Aa oo, Ala to gə́ njela səm ya, Mbaidɔmbaije kara to gə́ njegədm ya tɔ.

⁷ Némajel lé a tel koso dɔ njékoma̰ səmje’g, Maji kari tuji dee pugudu gə goo kankəmta ləi.

⁸ Ma lé m’a kinja nékinjanéməsje kari gə meendakaḭ ya, Ǝi Njesigənea̰, m’a kila riɓar dɔ rii’g Mbata rii lé maji péd-péd ləm,

⁹ Mbata yeḛ ɔrm dan néurtije’g lai, Ar kəm oo né gə́ teḛ dɔ njéba̰je’g ləm ləm tɔ.