Pakɔsje 53 - Maktub gə́ To gə Kəmee

Meeyèr lə dəwje

1 Pakɔs lə Dabid gə́ ar bao-pa mba karee ɔs sə dee lé. Deḛ d’ɔs gə tébé .

¹ Pakɔs lə Dabid gə́ ar bao-pa mba karee ɔs sə dee lé. Deḛ d’ɔs gə tébé.

² Mbə-dəw lé pa mée’g pana: Ala godo. Deḛ tel to d’asəna gə né gə́ ndum ləm, Deḛ ra néje gə́ yèr gə́ to kḛji ləm tɔ, Yeḛ gə́ njera maji gə́ kára bèe kara godo.

³ Ala gə́ si dɔ dara gə́ tar lé aa loo oo dəwje Mba koo see dəw kára gə́ to gə́ njekəmkàr Gə́ saŋg Ala si gən wa.

⁴ Deḛ lai ndəm d’ila rima-rima, Dəw kára gə́ njera maji gə́ kára bèe kara godo. Kára bèe ya kara godo.

⁵ Deḛ gə́ ra néje gə́ yèr lé See dee gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Ala bèe el.

⁶ Yen ɓa d’a kunda bala ndəb ne pəd-pəd Lal ne gin né gə́ bèe gə́ ka̰ kunda ne bala, Ala a sané sḭgarɔ dee-deḛ Gə́ d’aw d’ula kəm dəwje ləa ndòo, I a kila rɔkul dɔ dee’g mbata Ala mbad dee.

⁷ Wai, see na̰ ɓa a kḭ Sio̰ gə mba taa dɔ Israɛlje wa. Ndɔ gə́ Ala a tel gə dəwje ləa Gə́ d’wa dee ɓər ree sə dee ɓée lé Ndá Jakob a kal rəa ləm, Israɛlje kara d’a si dan boo-rɔlel’g ləm tɔ.