Pakɔsje 47 - Maktub gə́ To gə Kəmee

Maji kula rɔnduba dɔ Njedumdɔloo’g

¹ Pa lə Koréje gə́ d’ar bao-pa karee ɔs sə dee lé

² Seḭ koso-dəwje lai lé Waje ji sí rag-rag! Ɔrje ne ndu sí gə́ tar wəl Gə rɔlel gə́ rɔ Ala’g lə sí ya.

³ Mbata Njesigənea̰ gə́ Njekurdɔloo lé To ɓəl kədm-kədm, Yeḛ nja to mbai gə́ boo Gə́ o̰ ɓee dɔ naŋg nee lai ya.

⁴ Yeḛ ar koso-dəwje d’oso kul no̰ sí’g ləm, Yeḛ ɔm ginkoji dəwje gə raŋg gin gɔl sí’g yəg ləm tɔ.

⁵ Yeḛ unda kəm nénduba lə sí ar sí, Yee ɓa to rɔnduba lə Jakob gə́ yeḛ undá dan kəmee’g.

⁶ Ala al uru dan ndu pa kun baŋga’g ləm, Njesigənea̰ lé njaa kəmee gə́ kédé-kédé dan ndu to̰to̰ gə́ ɓar’g ləm tɔ.

⁷ Maji kar sí ɔsje pa arje Ala, Ɔsje pa areeje! Maji kar sí ɔsje pa arje mbai lə sí, Ɔsje pa areeje ya!

⁸ Mbata Ala to mbai gə́ o̰ ɓee dɔ naŋg nee lai, Maji kar sí ɔsje pa kula rɔnduba dəa’g areeje ya!

⁹ Ala o̰ ɓee dɔ ginkoji dəwje gə raŋg’g ya ləm, Ala loo-siée to dɔ kalimbai’g ləa gə́ to gə kəmee ləm tɔ.

¹⁰ Mbai dɔ ginkoji dəwje gə raŋg lé d’ɔm na̰’d Gə koso-dəwje lə Ala lə Abrakam, Mbata dər-rɔje gə́ dɔ naŋg nee to ka̰ Ala. Yeḛ lé ur dɔ dəwje’g lai ya.