Pakɔsje 4 - Maktub gə́ To gə Kəmee

Tamaji gə́ ra loondul’g kwa ne Ala mee’g

¹ Pa lə Dabid gə́ ar bao-pa mba karee ɔs sə dee lé. D’ɔs gə kṵdu-ko̰déje ya.

² Loo gə́ m’no̰ m’ɓari ndá Maji kari ilam keneŋ I Ala gə́ njegaŋ-rəwta ləm gə goo rəbee lé. Loo gə́ m’isi dan néɓəŋgərəti’g lé ndá Maji kari ajim! Maji kari oo tamaji ləm, oo ne kəm lootondoo’g ya kari!

³ Seḭ dəwje lé see ndɔ gə́ ra ɓa seḭ a kəwje rɔ sí Kulaje sul dɔ rɔnduba’g ləm wa. See ndɔ gə́ ra ɓa seḭ a kəwje rɔ sí Ndigije néje gə́ gə mḭdé ba ləm, Ǝsé ndolèje goo taŋgɔmje ləm tɔ wa.

⁴ Maji kar sí ooje to gə́ Njesigənea̰ Mbər dəw gə́ njemeemaji lé, Njesigənea̰ lé loo gə́ m’ra né wəl gə́ rəa’g ndá Yeḛ oo ndum ya tɔ.

⁵ Ɓó lé oŋg ḭ sə sí ndá raje ne kaiya el, Ǝ̰jije ta meḛ sí’g loo-to sí’g ndá toje lɔm.

⁶ Nékinjaməs gə́ gə goo rəbee lé Maji kar sí injaje ndá Ɔmje ne meḛ sí jəb-jəb dɔ Njesigənea̰’g.

⁷ Njé gə́ na̰je bula pana: See na̰ ɓa a kar sí j’isi dan némajije’g wa. Ǝi Njesigənea̰, maji kar kəmi gə́ to lookàr lé ndogó dɔ sí’g!

⁸ Rɔlel gə́ i unda dɔɓəŋgərəm’g lé Ur dɔ ka̰ dee-deḛ’g Loo gə́ koje gə nduúje lə dee daa na̰ rɔ dee’g lé.

⁹ M’to naŋg m’toɓi gə meekulɔm Mbata i Njesigənea̰ nja kára ba am m’isi ne lɔm loo-sim’g.