Pakɔsje 3 - Maktub gə́ To gə Kəmee

Tamaji gə́ ra gə ndɔ kwa ne Ala mee’g

1 Pa lə Dabid loo gə́ yeḛ aḭ ne no̰ ŋgonee Absalɔm’g .

¹ Pa lə Dabid loo gə́ yeḛ aḭ ne no̰ ŋgonee Absalɔm’g.

² Wai Njesigənea̰! Njéba̰je ləm bula dum dɔm! Koso-dəwje gə́ d’ḭ səm kara dum dɔm ya to!

³ See dəwje ka̰da ɓa pata d’wɔji ne dɔm pana: M’a kiŋga kaji rɔ Ala’g lé pai godo, ɓa pa bèe wa.

⁴ Nɛ i Njesigənea̰ lé I nja to dər-rɔ ləm, I nja ɓa gə́ gin rɔnduba ləm ndá I unda ne dɔm gə́ tar ya.

⁵ M’no̰ gə ndum gə́ boi wəl m’ar Njesigənea̰ Ndá yeḛ ilam keneŋ dɔ mbal’g ləa gə́ to gə kəmee doi.

⁶ M’to naŋg m’toɓi Ɓa m’ndel dɔ ɓi’g ɓəi Mbata Njesigənea̰ ɓa to njegədm ya.

⁷ Ma m’ɓəl koso-dəwje gə́ bula digi-digi Gə́ gugu dɔm sub lé el.

⁸ Njesigənea̰, maji kari uba naŋg ḭta! Ala ləm, maji kari taam ya! Mbata i to njekunda kwɔji njéba̰je ləm lai ləm, I təd ŋgaŋ njémeeyèrje njigi-njigi ləm tɔ.

⁹ I Njesigənea̰ lé kaji to rɔi’g ya. Maji kar ndutɔr ləi nai dɔ koso-dəwje’g ləi ya tɔ.