Pakɔsje 23 - Maktub gə́ To gə Kəmee

Kankəm njekul sí

1 Pakɔs lə Dabid.

¹ Pakɔs lə Dabid. Njesigənea̰ lé to njekulbadje gə́ ulm-ma ya, Né kára kara a naa̰m el.

² Yeḛ am m’wa rɔm dan mu gə́ təb gə́ idi lururu’g ləm, Yeḛ ɔr nɔm teḛ səm ta duu-mán’g ləm tɔ.

³ Yeḛ ar siŋga ŋgaw məəm ḭ dɔ maree’g ləm, Yeḛ onm rəwje gə́ ka̰ néra gə́ gə dɔ najee’g ləm tɔ Gə mba kar nea̰ oso ne.

⁴ Loo gə́ m’njaa mee wəl-yoo gə́ ndul’g lé ndá M’a ɓəl némajel kára kara keneŋ el Mbata i nja nai səm, Ɗuguru-kag gə kag-ɗugu gə́ to jii’g lé Ar məəm oso ne naŋg po̰.

⁵ I wa dɔ gɔl nésɔ unda nɔm’g Kəm njéba̰je’g ləm, I wa dɔm gə ubu ləm, Ŋgo-kai-ma̰ ləm lé Man rusu tub ləm tɔ.

⁶ Tɔgərɔ ya, rɔlel gə meemaji d’a korè səm rəw na̰’d més Mee ndɔje lai gə́ m’isi ne kəmba Ndá m’a si kəi’g lə Njesigənea̰ saar rudu ndɔje’g ləm.