Pakɔsje 149 - Maktub gə́ To gə Kəmee

Rɔnduba lə majikojije

¹ Maji kar sí pidije Njesigənea̰! Ɔsje pa gə́ sigi arje Njesigənea̰. Ɔsje pa pideeje ne mbuna ŋgankojije’g!

² Maji kar Israɛlje nda meḛ dee kaḭ Dɔ yeḛ gə́ to njekunda dee’g ləm, Ŋganje gə́ Sio̰ kara maji kar dee d’isi dan boo-rɔlel’g Mbata yeḛ to mbai lə dee ləm tɔ.

³ Maji kar dee pidee gə ndam lə dee ləm, D’ila riɓar dəa’g gə dalè bajiŋ gə kṵdu-kag ləm tɔ.

⁴ Mbata Njesigənea̰ ar rəa lelee dɔ dəwje’g ləa, Njénékəmndooje lé yeḛ aji dee ula ne rɔnduba dɔ dee’g tɔ.

⁵ Maji kar majikojije d’un baŋga D’ula ne rɔnduba dəa’g ləm, Maji kar dee d’ɔs gajee loo-to dee’g ləm tɔ.

⁶ Maji kar ta pidi Ala to ta dee’g ləm, Maji kar kiambas gə́ adə gə́ ŋgaŋgee joo lé To ji dee’g kel-kel ləm tɔ

⁷ Gə mba dal ne ba̰ ginkoji dəwje gə raŋg ləm, Mba kar bo̰ néra koso-dəwje ɔs ne ta dee’g bɔsɔrɔ ləm,

⁸ Gə mba tɔ mbaije lə dee gə kúla lar ləm, Gə mba kila ɗa lar gɔl dəwje gə́ boo’g lə dee ləma,

⁹ Gə mba gaŋg ne rəwta dɔ dee’g Gə goo taree gə́ ndaŋg mee maktub’g ya ləm tɔ. Yee ɓa to rɔnduba lə majikojije lai. Maji kar sí pidije Njesigənea̰ ya.