Bìoball air-loidhne

Pakɔsje 148 - Maktub gə́ To gə Kəmee

Seḭ nékundaje lə Ala maji kar sí pideeje

¹ Maji kar sí pidije Njesigənea̰! Seḭ gə́ síje sém dara’g, pidije Njesigənea̰, Seḭ gə́ síje dɔ looje gə́ ndəw’g lé pideeje.

² Seḭ kuraje ləa gə́ dara lai lé pideeje, Seḭ boo-néje ləa lai gə́ dara kara pideeje.

³ Kàr gə naḭ, pideeje, Seḭ kéréméje lai gə́ ndoḭje wər-wər lé pideeje.

⁴ Seḭ dara gə́ dɔ na̰’d na̰’d lé pideeje, Seḭ manje gə́ toje dɔ dara gə́ tar lé pideeje.

⁵ Maji kar dee pidi ri Njesigənea̰ ya Mbata yeḛ pata gə ndia ya ndá deḛ to keneŋ.

⁶ Yeḛ ar dee to njaŋg saar gə no̰, Yeḛ ar godndiaje to keneŋ ndá yeḛ pəl ta dɔ’g el.

⁷ Seḭ gə́ gel naŋg’d bər lé pidije Njesigənea̰, Seḭ da-kɔbje gə́ dan baa-boo’g ləm, Seḭ ɓul manje lai ləm,

⁸ Pər gə ndi kwɔji ləm, kwɔji gə mumje ləm, Lelje gə́ d’ula mbḭ-mbḭ gə́ ra torndia ləm,

⁹ Mbalje gə dɔ diŋgri looje lai ləm, Kag-sɔje gə kag-sɛdrəje ləm,

¹⁰ Daje gə́ wala gə nékulje lai ləm, Néje gə́ d’ag naŋg gə yelje ləm,

¹¹ Seḭ mbaije gə́ dɔ naŋg nee ləm, Gə koso-dəwje lai ləm, Seḭ mbaije gə́ njégaŋ-rəwtaje gə́ dɔ naŋg neelé ləm,

¹² Seḭ basaje gə ŋgama̰dje ləma, Seḭ ɓugaje gə ŋganje ləm tɔ lé

¹³ Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

¹⁴ Yeḛ ar siŋga koso-dəwje ləa tel ḭ dɔ maree’g, Yee ɓa gə́ népidi mbata lə majikojije ləa lai ləm, Mbata lə Israɛlje gə́ d’isi mbɔree’g dəb ləm tɔ. Maji kar sí pidije Njesigənea̰ ya.

« Roimhe

Air adhart »

Bible Society of Chad

Lean sinn:

Ceanglaichean taic

Sanasan