Pakɔsje 137 - Maktub gə́ To gə Kəmee

Pa no̰ ndòo gə́ mee ɓee gə́ Babilɔn

¹ Dɔ koŋgo baaje gə́ Babilɔn lé J’isi no̰je keneŋ ndá J’ar meḛ sí olé dɔ Sio̰’g ya.

² Jeḛ naa̰ kṵdu-kagje lə sí kəm kag-tuŋguje’g.

³ Lée neelé njédum dɔ síje lé D’ɔs sí mba kar sí j’ɔs pa ləm, Njékula kəm sí ndooje lé D’ɔs sí mba kar sí j’al rɔ sí ləm tɔ pana: J’ɔsje pa gə́ na̰je gə́ j’ɔs Sio̰ lé j’ar dee d’oo.

⁴ See j’a kɔs paje lə Njesigənea̰ lé To gə́ ban ɓa dɔ naŋg ɓee gə́ raŋg’d wa.

⁵ Ɓó lé m’ar məəm wəi dɔi-i, Jerusalem’g ndá Maji kar jikɔlm wəi wɔ!

⁶ Ɓó lé m’ar məəm olé teḛ dɔi’g el ləm, Esé m’ar Jerusalem to gin rɔlel ləm gə́ gəd el ləm tɔ ndá Maji kar ndo̰m tia̰ ŋgadŋgəm’g mbiao̰ ləm tɔ.

⁷ Njesigənea̰, maji kari ar məəi olé teḛ dɔ néra Edɔmje’g Mee ndəa gə́ deḛ taa ne Jerusalem lé deḛ pana: Kərje, kərje kər-kər waje rəw-rəw Saar teḛje ne ginee gə́ bər ya.

⁸ I ɓee gə́ Babilɔn, i gə́ a gə tuji pugudu lé Rɔlel nai gə yeḛ gə́ ra səi né togə́bè ləm, Gə́ ra səi némajel to gə́ i ra sə síjeḛ bèe ya ləm tɔ.

⁹ Rɔlel nai gə yeḛ gə́ twa ŋganije Kunda dee dɔ kɔr mbal’g vaga-vaga tɔl dee lé.