Pakɔsje 129 - Maktub gə́ To gə Kəmee

Tamaji lə Israɛlje

1 Pakɔs kḭ kaw tuga ne loo ɗao-ɗao gə́ tar.

¹ Pakɔs kḭ kaw tuga ne loo ɗao-ɗao gə́ tar. Un kudee loo gə́ m’nai basa ya ɓəi lé D’ulam ndubu lé d’aree asm ya, Maji kar Israɛlje lé pa bèe pana:

² Un kudee loo gə́ m’nai basa ya ɓəi lé D’ulam ndubu lé d’aree asm ya Nɛ dum ɓa deḛ dum dɔm el.

³ Njḛ́dɔje lé sura girm bur-bur ləm, D’un ɓaije gə́ ŋgal tiriri-tiriri keneŋ ləm tɔ.

⁴ Njesigənea̰ lé to gə́ njemeekarabasur, Yeḛ tḭja kulaje lə njémeeyèrje lé badə-badə gaŋg.

⁵ Deḛ lai gə́ d’ə̰ji Sio̰ bəḭ-bəḭ lé Maji kar rɔkul dəb dɔ dee’g Ar dee rəm ne gə goo dee ya.

⁶ Maji kar dee to d’asəna gə mu gə́ uba dɔ kəi’g tar Gə́ tudu mba̰ ɓa deḛ tɔr ɓəi lé.

⁷ Njetɔr mu lé tɔr aree rusu jia nda̰ el ləm, Yeḛ gə́ tɔ dɔ mu lé a kodo dɔ jia kára el ləma,

⁸ Njédəntarje lé kara pa taree pana: Maji kar Njesigənea̰ tɔr ndia dɔ sí’g lé pa bèe el ləm tɔ. Jeḛ lé n’tɔrje ndu sí dɔ sí’g gə ri Njesigənea̰ ya.