Pakɔsje 128 - Maktub gə́ To gə Kəmee

Ala tɔr ndia dɔ majikojije’g lé

1 Pakɔs kḭ kaw tuga ne loo ɗao-ɗao gə́ tar.

¹ Pakɔs kḭ kaw tuga ne loo ɗao-ɗao gə́ tar. Rɔlel nai gə dəwje gə́ ɓəl Njesigənea̰ Deḛ gə́ njaa gə goo kila-rəwje ləa lé.

² Bèe ɓa i iŋga rɔlel dɔ kula’d gə́ i ra gə jii ləm, Rɔi leli ari si ne dan maji’g ləm tɔ.

³ Dené ləi to asəna gə kag-nduú Gə́ andə ul bo̰-bo̰ bèe mee kəi’g ləi ləm, Ŋganije kara gugu dɔ loo-nésɔ ləi sub To gə́ kag-koiyoje bèe ləm tɔ.

⁴ Dəw gə́ ɓəl Njesigənea̰ lé ndá Nétɔrnduje gə́ bèe ɓa yeḛ iŋga ya.

⁵ Njesigənea̰ gə́ loo-siée to Sio̰ lé A tɔr ne ndia dɔi’g Ndá i a koo Jerusalem gə́ si dan maji’g Ndɔje lai gə́ i si ne kəmba lé.

⁶ I a koo ŋgan meḛ ŋganije gə kəmi ya. Maji kar meelɔm lé nai dɔ Israɛlje’g ya.