Pakɔsje 127 - Maktub gə́ To gə Kəmee

Ala gə́ njegin némeemajije lai

1 Pakɔs kḭ kaw tuga ne loo ɗao-ɗao gə́ tar. Ka̰ Salomo̰.

¹ Pakɔs kḭ kaw tuga ne loo ɗao-ɗao gə́ tar. Ka̰ Salomo̰. Ɓó lé Njesigənea̰ ra kəi el ndá Deḛ gə́ njéra kula kunda kəije ra gə mḭdé ba ya, Ɓó lé Njesigənea̰ aḭ bada dɔ ɓee’g el kara Njera kəmee rakaa lé ra pi ya tɔ.

² Seḭ lé seḭ ḭje tar gə ndɔ rad gə mḭdé ba ya ləm, Seḭ toje naŋg kalaŋ el gə mḭdé ba ləma, Seḭ o̰je muru gə́ wɔji dɔ kula rɔ ndubu lə sí ləm tɔ. Nɛ yeḛ lé ar deḛ gə́ yeḛ unda dee dan kəmee’g né togə́bè Loo gə́ deḛ toɓi lé.

³ Aa oo, ŋganje lé to gə́ nénduba gə́ ḭ rɔ Njesigənea̰’g, Ŋgan meḛ dəwje lé to gə́ nékoga dɔ ji njékoji deeje ya tɔ.

⁴ Ŋganje gə́ diŋgam gə́ njekoji deeje d’oji dee gə basa dee’g ba lé To d’asəna gə kandə ɓandaŋgje ji njerɔ’g bèe.

⁵ Rɔlel nai gə dəw gə́ ar kandə ɓandaŋg neelé rusu kuée. Loo gə́ yeḛ a kwɔji ta gə njéba̰je ləa takəi’g ndá Kəm sɔḭ a kwa kəmee el.