Pakɔsje 126 - Maktub gə́ To gə Kəmee

Pa kḭ ɓee-ɓər’g tel kaw ɓee

1 Pakɔs kḭ kaw tuga ne loo ɗao-ɗao gə́ tar.

¹ Pakɔs kḭ kaw tuga ne loo ɗao-ɗao gə́ tar. Loo gə́ Njesigənea̰ ar deḛ gə́ d’wa dee gə́ ɓər Sio̰ tel ree ɓée ndá Jeḛ n’to j’asəna gə deḛ gə́ d’oo né gə́ ni bèe.

² Yen ŋga ndu rɔlel ɓar ta sí’g wəl-wəl ləm, Pa boo-rɔkal ɔs na̰ ta sí’g ŋgɔg-ŋgɔg ləm tɔ. Yen ŋga deḛ pata mbuna ginkoji dəwje gə raŋg’g lé pana: Njesigənea̰ ra néje gə́ boo ar dee.

³ Oiyo, Njesigənea̰ ra néje gə́ boo ar sí ya, Ndá jeḛ j’isije ne dan rɔlel’g.

⁴ Njesigənea̰, maji kari tel gə njé’g lə sí gə́ d’wa dee gə́ ɓər lé Asəna gə mán baaje gə́ tel aḭ kuji-kuji dɔdilaloo gə́ to par gə́ dɔkɔl bèe.

⁵ Deḛ gə́ dubu né gə mán-no̰ kəm dee’g lé D’a kinja kée gə pa boo-rɔkal ta dee’g ya.

⁶ Yeḛ gə́ odo kó né gə mán-no̰ kəmee’g Gə mba kaw dubu lé A tel gə boo-rɔkal Loo gə́ yeḛ odo dɔmaḭ-kée lé gə́ ɓée ya tɔ.