Pakɔsje 125 - Maktub gə́ To gə Kəmee

Deḛ gə́ d’ɔm meḛ dee dɔ Njesigənea̰’g lé

1 Pakɔs kḭ kaw tuga ne loo ɗao-ɗao gə́ tar.

¹ Pakɔs kḭ kaw tuga ne loo ɗao-ɗao gə́ tar. Deḛ gə́ d’ɔm meḛ dee dɔ Njesigənea̰’g lé To d’asəna gə mbal gə́ Sio̰ gə́ né yə ŋgirá el bèe Nɛ yee ŋgəŋ ŋgəŋ-ŋgəŋ saar gə no̰ ya.

² To gə́ mbalje gugu ne dɔ Jerusalem sub bèe lé Njesigənea̰ kara aḭ bada dɔ dəwje’g ləa togə́bè ya ləm tɔ Un kudee ɓasinè ləm, saar-saar gə no̰ ləm tɔ.

³ Mbata kag-mbai gə́ ka̰ meeyèr lé A ko̰ɓee dɔ njémeekarabasurje’g el Gə mba kar njémeekarabasurje lé D’ula ji dee par gə́ néra gə́ kori-kori’g lé el.

⁴ Njesigənea̰, maji kari ra meemaji Gə deḛ gə́ to njéra némajije ləm, Gə deḛ gə́ meḛ dee to danasur ləm tɔ.

⁵ Nɛ deḛ gə́ d’un goo rəwje gə́ nduni koŋ-koŋ lé Maji kar Njesigənea̰ tuji dee na̰’d gə njéra némajelje lé. Maji kar meelɔm lé nai dɔ Israɛlje’g ya.