Pakɔsje 122 - Maktub gə́ To gə Kəmee

Pakɔs tarəw ɓee’d gə́ Jerusalem

1 Pakɔs kḭ kaw tuga ne loo ɗao-ɗao gə́ tar. Ka̰ Dabid.

¹ Pakɔs kḭ kaw tuga ne loo ɗao-ɗao gə́ tar. Ka̰ Dabid. M’isi dan rɔlel’g loo gə́ d’ulam pana: Ar sí j’awje mee kəi’g lə Njesigənea̰.

² J’ɔsje gɔl sí naŋg gèŋ tarəwkɔgje’g ləi-i, Jerusalem.

³ I Jerusalem lé to ɓee gə́ d’undai gə́ maji péd-péd Gə́ barkəmije d’wa na̰ məji-məji.

⁴ To loo gə́ ginkoji dəwje gə raŋg Gə́ to ka̰ Njesigənea̰ lé d’aw keneŋ Gə goo godndu gə́ wɔji dɔ Israɛlje Gə mba pidi ne ri Njesigənea̰.

⁵ Mbata lé neelé Kalimbaije gə́ wɔji dɔ meekarabasur to keneŋ, To kalimbaije lə ŋgaka Dabid.

⁶ Dəjije gə mba kar Jerusalem si dan meelɔm’g Maji kar deḛ gə́ d’undai dan kəm dee’g lé D’isi dan meelɔm’g tɔ.

⁷ Maji kar loo to lɔm mee gad ndògo-bɔrɔ’g ləi ləm, Maji kar loo to lɔm mee kəi-mbaije’g ləi ləm tɔ.

⁸ Ma m’ndiŋga rɔm gə mba kar mee ɓee to lɔm Mbata lə ŋgakɔmje gə baokuraje ləm lé.

⁹ M’ra tamaji mbata maji ləi Mbata kəi lə Njesigənea̰, Ala lə sí lé ya.