Pakɔsje 120 - Maktub gə́ To gə Kəmee

Tamaji lə dəw gə́ d’ila taŋgɔm dəa’g

1 Pakɔs kḭ kaw tuga ne loo ɗao-ɗao gə́ tar.

¹ Pakɔs kḭ kaw tuga ne loo ɗao-ɗao gə́ tar. Loo gə́ m’isi dan néurti’g ndá M’no̰ wəl gə́ rɔ Njesigənea̰’g ndá Yeḛ ilam keneŋ.

² Njesigənea̰, maji kari ɔrm ji njétaŋgɔmje’g ləm, Gə ji deḛ gə́ ndo̰ dee pata su ne kəm loo ləm tɔ.

³ I gə́ ndɔḭ su kəm loo lé see ɗi ɓa Ala ari wa. Esé see ɗi ɓa i iŋga keneŋ wa.

⁴ Ndo̰ ɓandaŋg lə njérɔje gə́ adə njel-njel ləm, Gə mḭ ŋgɔ-sam gə́ taa pər gəgəgə ləm tɔ Ɓa a to nékogai ya.

⁵ Kisi gə́ m’isi Mesek lé ləm, Gə kisi gə́ m’isi mbuna kəi-kubuje’g lə njé gə́ Kedar ləm tɔ lé Kəm to ne ndòo keneŋ yaa̰.

⁶ Ma m’isi rɔ deḛ gə́ d’ə̰ji meekulɔm bəḭ-bəḭ’g lé Kurum əw asm nag ya.

⁷ Ma lé m’ndigi meekulɔm ya. Nɛ loo gə́ m’pa taree ndá ta rɔ ɓa wa meḛ dee.