Pakɔsje 110 - Maktub gə́ To gə Kəmee

Ala nja ula mbai dɔ mbai gə́ yeḛ wa dəa gə ubu lé

1 Pa lə Dabid

¹ Pa lə Dabid Njesigənea̰ ula Mbaidɔmbaije ləm pana: Si dɔ jikɔlm’g Saar mba karm m’ar njéba̰je ləi Tel to nétura-gɔl-kɔm ləi lé.

² Njesigənea̰ a kar kag-mbai siŋgamoŋ ləi Ḭ ɓee gə́ Sio̰ aw əw! Maji kari dum ne dɔ njéba̰je ləi gə́ gugu dɔi sub ya.

³ Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

⁴ Njesigənea̰ man rəa dɔ’g ndá Yeḛ a tel gə ndia dɔ’g el, Yeḛ pana: I lé to njekinjanéməs gə no̰ Gə goo ka̰ Melkisedek lé ya.

⁵ Mbaidɔmbaije gə́ aar dɔ jikɔli’g lé Təd mbaije lé rém-rém ndɔ ra oŋg’d ləa.

⁶ Yeḛ gaŋg rəwta gə dɔ najee Mbuna ginkoji dəwje gə raŋg’g, Nin dəwje taa ne loo pəl-pəl, Yeḛ tɔ dɔ mbaije gə́ mee ɓee’g neelé rɔb-rɔb njal ɔr rɔd ya.

⁷ Yeḛ ai mán kəm-rəw-mán’g loo njaa tar’g ləa lé, Gelee gə́ nee ɓa yeḛ unda ne dəa tar gə mbəa.