Pakɔsje 101 - Maktub gə́ To gə Kəmee

Ndukun lə Mbai lé

1 Pakɔs lə Dabid.

¹ Pakɔs lə Dabid. M’a kɔs pa meemaji gə néra gə́ gə dɔ najee lé. M’a kɔs pa neelé kari-i Njesigənea̰ ya.

² M’a kunda kəmkàr dɔ rɔm’g dɔ rəw gə́ danasur’g. See ndɔ gə́ ra ɓa i a ree pər gə́ rɔm’g ɓəi wa. Ma lé m’a njaa mbuna njémeekəije’g ləm lé gə meendakaḭ.

³ M’a kar némajel kára kara to nɔm’g el, Néra njékaiyaje lé to kḛji kəm’g, Néra deeje lé m’a tibi mbɔree el.

⁴ Meekɔs ŋgwɔḭ lé m’a kunda ɓad gə́ raŋg ləm, Njemeeyèr lé kara ma m’ndigi kwá gə́ rɔm’g el ya ləm tɔ.

⁵ Yeḛ gə́ təd ta unda ta maree’g gə goo ŋgəḭ lé M’a karee udu bo̰ ya, Yeḛ gə́ aa loo gə beelé əsé ti-rɔ kara M’a kila məəm po̰ dəa’g el.

⁶ Majikojije gə́ mee ɓee’g neelé m’a korè kəm ndəŋ dɔ dee’g Gə mba kar dee d’isi ne mbɔrm’g dəb, Yeḛ gə́ njaa rəw gə́ danasur lé ndá Yeḛ a to kura ləm ya tɔ.

⁷ Yeḛ gə́ ya̰ rəa yag dan kərgoso’g lé ndá Yeḛ a si mee kəi’g ləm lé nda̰ el ləm, Yeḛ gə́ pa taŋgɔm lé kara A kaar nɔm’g nda̰ el ya ləm tɔ.

⁸ Teḛ gə ndɔ rad gə ndɔje kára-kára lai lé M’a kar njémeeyèrje lai gə́ mee ɓee’g neelé D’udu guduru ya Ɓó gə mba tuji ne deḛ lai gə́ to njéra né kori-korije Mee ɓee-boo’g lə Njesigənea̰ lé pugudu-pugudu ya.