Pakɔsje 1 - Maktub gə́ To gə Kəmee

MAKTUB GƎ DƆTAR Nérɔlel gə́ gəd

¹ Dəw gə́ taa ta sula lə njémeeyèrje njaa keneŋ el ləm, Gə ɔs gɔlee naŋg gèŋ rəw’g lə njékaiyaje el ləma, Gə si na̰’d gə njékimlooje el ləm tɔ ndá Yeḛ si gə rɔlel ya.

² Nɛ yeḛ ndá mée kaḭ dɔ godndu Njesigənea̰’g ləm, Yeḛ la̰ji toree mée’g dan kàrá gə loondul’g ləm tɔ.

³ Yeḛ to asəna gə kag gə́ mea̰ mbɔr mán’g bèe, Ka̰dee andə gə naḭyee-naḭyee ləm, Kamee kara ndòle el ləm tɔ. Débee neelé néje lai gə́ yeḛ ra lé ɔr dɔ ya.

⁴ Nɛ njémeeyèrje lé dee to togə́bè el. Deḛ to d’asəna gə ləm mu gə́ lel sané kad bèe.

⁵ Gelee gə́ nee ɓa njémeeyèrje lé Ndɔ sariya ndá a kɔm dee’g el ləm, Njékaiyaje kara D’a si loo-mbo̰-dɔ-na̰’g lə njémeekarabasurje el ləm tɔ.

⁶ Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.