Maktub gə́ wɔji dɔ Jɔb 25 - Maktub gə́ To gə Kəmee

Ta gə́ njekɔm’g munda gə́ bildad ula Jɔb

¹ Bildad dəw gə́ Sua un ta pa pana:

² Siŋgamoŋ gə ɓəl-boo to ka̰ Ala, Yeḛ ar meekulɔm to mbuna looje gə́ tar.

³ See njérɔje ləa dum tura el wa. See na̰ ɓa lookàr ləa àr dəa’g el wa.

⁴ See dəw to njera né gə́ gə dɔ najee no̰ Ala’g lé to gə́ ban wa. See dəw gə́ dené ojee lé a kàr ŋgad-ŋgad to gə́ ban wa.

⁵ Aa oo, naḭ ya kara ndogó ɔr jol-jol el ləm, Kéréméje kara ndogó d’ɔr jol-jol kəmee’g el ləm tɔ,

⁶ Nɛ ɓəd ɓəi ɓa dəw gə́ to kuru ləm, Gə ŋgon dəw gə́ to kuru ləm tɔ ɓəi wa.