زبور 129 - Sindhi Bible

¹ هاڻي اسرائيل هيئن چوي، تہ انهن مون کي ننڍي هوندي کان وٺي ڪيترائي ڀيرا ڏک ڏنا آهن؛

² هائو، انهن مون کي ننڍي هوندي کان وٺي ڪيترائي ڀيرا ڏک ڏنا آهن: تڏهن بہ اهي مون تي غالب نہ پيا.

³ هارين منهنجي پٺيءَ تي هر کيڙيو؛ ۽ ڊگهيون اوڙون ڪيائون.

⁴ خداوند سچو آهي: هن بڇڙن جون نوڙيون وڍي ڇڏيون.

⁵ جيڪي صيون سان عداوت ٿا رکن، سي سڀيئي شل ڦڪا ٿي پٺ تي هٽجن.

⁶ شل اهي انهيءَ گاهہ وانگي ٿين جو کڏ تي اُڀري ٿو، ۽ وڌڻ کان اڳي سڪيو وڃي:

⁷ جنهن سان نڪي لاهياري جي مٺ ڀربي، نڪي گڏا ٻڌڻ واري جو پلوُ ڀربو.

⁸ نڪي واٽهڙو ٿا چون، تہ خداوند جي برڪت اوهان تي هجي؛ يا اسين خداوند جي نالي اوهان کي برڪت ٿا ڏيون.