زبور 114 - Sindhi Bible

¹ جڏهن اسرائيل مصر مان، ۽ يعقوب جو گهراڻو ڌاريءَ ٻوليءَ ڳالهائيندڙ ماڻهن مان نڪري آيو:

² تڏهن يهوداهہ سندس پاڪ مڪان ٿيو، ۽ اسرائيل هن جي بادشاهت بڻيو.

³ سمنڊ اهو ڏسي ڀڄي ويو؛ ۽ يردن ندي بہ پٺ تي هٽجي ويئي.

⁴ جبل گهٽن وانگر ٽپڻ لڳا، ۽ ٽڪريون ننڍين رڍن وانگر ٽپڻ لڳيون.

⁵ اي سمنڊ توکي ڇا ٿيو جو تون ڀڄي وئين؟ ۽ اي يردن ندي توکي ڇا ٿيو جو تون پٺ تي ٿي هٽينءَ؟

⁶ اي جبل اوهان کي ڇا ٿيو جو اوهين گهٽن وانگي ٽپيا؛ ۽ اي ٽڪريون اوهان کي ڇا ٿيو جو اوهين ننڍين رڍن وانگر ٽپا ڏيڻ لڳيون؟

⁷ اي زمين تون خداوند جي حضور، ۽ يعقوب جي خدا جي حضور ڏڪي وڃ.

⁸ هن ٽڪريءَ کي ڦيرائي پاڻيءَ جو تلاءُ ڪيو، ۽ چقمق مان پاڻيءَ جو چشمو پيدا ڪيائين.