نحمياہ 11 - Sindhi Bible

¹ ۽ قوم جا امير يروشلم ۾ رهندا هئا: باقي ٻين ماڻهن بہ ڪُڻا وڌا تہ ڏهن ماڻهن مان هڪڙو يروشلم جي پاڪ شهر ۾ اچي رهي، ۽ نوَ حصا ٻين شهرن ۾.

² ۽ جن ماڻهن خوشيءَ سان يروشلم ۾ رهڻ قبول ڪيو، تن سڀني کي ماڻهن برڪت جي دعا ڏني.

³ هاڻي جيڪي پرڳڻي جا سردار يروشلم ۾ رهندا هئا، سي هي آهن: (پر يهوداہ جي شهرن ۾ هرڪو ماڻهو پنهنجي شهر ۽ پنهنجي جائيداد ۾ رهندو هو، يعني اسرائيلي، ڪاهن، ۽ لاوي، ۽ نتينيم، ۽ سليمان جي نوڪرن جو اولاد.

⁴ ۽ يروشلم ۾ ڪي بني يهوداہ مان، ۽ ڪي بني بنيمين مان رهندا هئا.) بني يهوداہ مان: عتاياہ، بن عزياہ، بن زڪرياہ، بن امرياہ، بن سفطياہ، بن مهلل ايل، بن فارص.

⁵ ۽ معسياہ بن باروڪ، بن ڪلحوزہ، بن حزاياہ، بن عداياہ، بن يويريب، بن زڪرياہ، جو شلونيءَ جو پٽ هو.

⁶ فارص جا پٽ، جي يروشلم ۾ رهندا هئا، سي ڪل چار سؤ اٺهٺ بهادر مرد هئا.

⁷ بني بنيمين هي آهن: سلو بن مسلام، بن يوعيد، بن فداياہ، بن قولاياہ، بن معسياہ، بن ايتي ايل، بن يسعياہ.

⁸ ۽ انهيءَ کانپوءِ جبي، ۽ سلي، ڪل نوَ سؤ اٺاويهہ.

⁹ ۽ يوايل بن زڪري، انهن جي مٿان نظر ڪندڙ هو: ۽ يهوداہ بن هسنوہ، شهر جي حاڪم جو نائب هو.

¹⁰ ڪاهنن مان: يدعياہ، بن يويريب، ۽ ياڪين،

¹¹ شراياہ بن خلقياہ، بن مسلام، بن صدوق، بن مرايوت، بن اخيطوب، جو خدا جي گهر جو عملدار هو،

¹² ۽ انهن جا ڀائر، جي هيڪل جو ڪم ڪار ڪندا هئا، سي اٺ سؤ ٻاويهہ هئا: ۽ عداياہ بن يروحام، بن فللياہ، بن امضي، بن زڪرياہ، بن فشحور، بن ملڪياہ.

¹³ ۽ ان جا ڀائر، جي ابن جي گهراڻن جا سردار هئا، ٻہ سؤ ٻائيتاليهہ: ۽ امشي بن عزرايل، بن اخسي، بن مسيلموت، بن امير،

¹⁴ ۽ انهن جا ڀائر، جي همت وارا بهادر مرد هئا، هڪ سؤ اٺاويهہ: ۽ انهن جي مٿان سردار زيدي ايل بن هجدوليم.

¹⁵ ۽ لاوي: سمعياہ، بن حسوب، بن عزريقام، بن حسبياہ، بن بني؛

¹⁶ ۽ سبتي ۽ يوزباد، اِهي لاوين جي سردارن مان هئا، جي خدا جي گهر جي ٻاهرين ڪم ڪار تي نظر ڪندا هئا؛

¹⁷ ۽ متنياہ، بن ميڪا، بن زبدي، بن آسف، جو شڪرگذاريءَ جي عبادت شروع ڪرڻ وقت پيشوا هوندو هو، ۽ بقبوقياہ جو ان جي ڀائرن مان ٻيو هو؛ ۽ عبدا بن سموع، بن جلال، بن يدوتون.

¹⁸ انهيءَ پاڪ شهر ۾، ڪل لاوي، ٻہ سؤ چوراسي هئا.

¹⁹ تنهن کانسواءِ، دربان، عقوب، طلمون ۽ انهن جا ڀائر، جي درن جي نگهباني ڪندا هئا، سي هڪ سؤ ٻاهتر هئا.

²⁰ ۽ باقي اسرائيلي، ڪاهنن ۽ لاوين مان، يهوداہ جي سڀني شهرن ۾ هئا، هرڪو پنهنجي پنهنجي موروثي حصي ۾.

²¹ پر نتينيم، عوفل ۾ رهندا هئا: ۽ ضيحا ۽ جسفا، نتينيم جي مٿان هوندا هئا.

²² پر يروشلم ۾ لاوين جي مٿان نظر ڪندڙ عزي بن باني، بن حسبياہ، بن متنياہ، بن ميڪا بہ هوندو هو، جو آسف جي پٽن مان هو، جي ڳائيندڙ هئا، ۽ خدا جي گهر تي ڪم ڪار تي مقرر هو.

²³ ڇالاءِ جو انهن جي نسبت ۾ بادشاهہ جو حڪم جاري ٿيل هو، ۽ ڳائيندڙن جي لاءِ هر روز جي گهرج موجب، ڀتو مقرر ٿيل هو.

²⁴ ۽ فتحياہ بن مشيزبيل، جو زارح بن يهوداہ جي اولاد مان هو، سو قوم جي هر طرح جي ڪم ڪار لاءِ بادشاهہ وٽ حاضر هوندو هو.

²⁵ ۽ ڳوٺن ۽ انهن جي ٻنين لاءِ، بني يهوداہ مان ڪي قريت اربع ۽ ان جي شهرن ۾، ديبون، ۽ ان جي شهرن ۾، ۽ يقبضي ايل، ۽ ان جي ڳوٺن ۾ رهندا هئا؛

²⁶ ۽ يشوع ۾، ۽ مولاداہ ۾، ۽ بيت فلط ۾؛

²⁷ ۽ حصرسوعال ۾، ۽ بيرسبع ۽ اُن جي شهرن ۾؛

²⁸ ۽ صقلاج ۾، ۽ مقوناہ ۽ ان جي شهرن ۾؛

²⁹ ۽ عين رمون ۾، ۽ صارعاہ ۾، يارموت ۾؛

³⁰ زانواح، عدلام ۽ انهن جي ڳوٺن ۾، لڪيس ۽ ان جي ٻنين ۾، عزيقہ ۽ ان جي شهرن ۾. انهيءَ طرح هو بيرسبع کان وٺي، هنوم جي واديءَ تائين منزل ڪري ويا.

³¹ بني بنيمين بہ جبع کان وٺي اڳتي، مڪماس، ۽ عياہ ۾، ۽ بيت ايل، ۽ ان جي شهرن ۾ رهڻ لڳا؛

³² عنتوت، نوب، عننياہ؛

³³ حاصور، رامہ، جتيم؛

³⁴ حاديد، ضبوعيم، نبلاط؛

³⁵ لود ۽ اونو ۾، جا ڪاريگرن جي وادي آهي.

³⁶ ۽ لاوين مان ڪي حصا جي يهوداہ ۾ هئا، بنيمين سان شامل ٿيا.