يشوع 21 - Sindhi Bible

¹ تنهن کان پوءِ لاوين جي گهراڻي جا سردار، اليعزر ڪاهن، ۽ يشوع بن نون، ۽ بني اسرائيل جي فرقن جي گهراڻن جي سردارن وٽ آيا؛

² ۽ ڪنعان جي ملڪ ۾ سيلا ۾ اچي چيائون، تہ خداوند موسيٰ جي معرفت حڪم ڪيو هو تہ اسان کي رهڻ لاءِ شهر، ۽ اسان جي چوپائي مال چارڻ لاءِ انهن جون ٻهراڙيون ملن.

³ ۽ بني اسرائيل خداوند جي حڪم موجب، لاوين کي پنهنجي موروثي حصي مان هي شهر سندن ٻهراڙين سميت ڏنا.

⁴ ۽ ڪڻو قهاتين جي قبيلن لاءِ نڪتو: ۽ هارون ڪاهن جو اولاد، جي لاوي هئا، تن کي يهوداہ جي فرقي مان، ۽ شمعون جي فرقي مان، ۽ بنيمين جي فرقي مان ڪڻن سان تيرهن شهر مليا.

⁵ ۽ بني قهات مان جيڪي باقي بچيا، تن کي افرائيم جي فرقي، ۽ دان جي فرقي، ۽ منسيءَ جي اڌ فرقي جي قبيلن مان، ڪڻن سان ڏهہ شهر مليا.

⁶ ۽ بني جرسون کي اشڪار جي فرقي، ۽ نفتالي جي فرقي، ۽ بسن ۾ منسيءَ جي اڌ فرقي جي قبيلن مان ڪڻن سان تيرهن شهر مليا.

⁷ بني مراريءَ کي سندن قبيلن موجب روبن جي فرقي، ۽ جد جي فرقي، ۽ زبولون جي فرقي مان ٻارهن شهر مليا.

⁸ ۽ بني اسرائيل لاوين کي ڪڻن سان اُهي شهر سندن ٻهراڙين سميت ڏنا، جيئن ڪ خداوند موسيٰ جي معرفت حڪم ڏنو هو.

⁹ ۽ هنن بني يهوداهہ جي فرقي مان، ۽ بني شمعون جي فرقي مان، جن شهرن جا نالا هتي ڏنل آهن، سي انهن کي ڏنا:

¹⁰ ۽ اُهي هارون جي اولاد لاءِ هئا، جي بني لاويءَ مان قهاتين جي قبيلن مان هئا: ڇالاءِ جو هنن جو پهرين ڪڻي وارو حصو هو.

¹¹ ۽ انهن هنن کي يهوداہ جي ڪوهستان ۾ قريت اربع (يعني حبرون)، ان جي آس پاس وارين ٻهراڙين سميت ڏنو، اهو اربع عناق جو پيءُ هو.

¹² پر شهر جون ٻنيون ۽ ان جا ڳوٺ هنن يفنہ جي پٽ ڪالب کي موروثي ملڪيت ڪري ڏنا.

¹³ ۽ هارون ڪاهن جي اولاد کي هنن حبرون سندس ٻهراڙين سوڌو ڏنو، جو خونيءَ جي پناهہ جو شهر هو، ۽ لبناہ بہ سندس ٻهراڙين سميت؛

¹⁴ ۽ يتير سندس ٻهراڙين سميت، ۽ استموع سندس ٻهراڙين سميت؛

¹⁵ ۽ حولون سندس ٻهراڙين سميت، ۽ دبير سندس ٻهراڙين سميت؛

¹⁶ ۽ عين سندس ٻهراڙين سميت، ۽ يوطہ سندس ٻهراڙين سميت، ۽ بيت شمس سندس ٻهراڙين سميت؛ انهن ٻنهي فرقن مان نوَ شهر.

¹⁷ ۽ بنيمين جي فرقي مان، جبعون سندس ٻهراڙين سميت، جبع سندس ٻهراڙين سميت؛

¹⁸ عنتوت سندس ٻهراڙين سميت؛ ۽ علمون سندس ٻهراڙين سميت؛ چار شهر.

¹⁹ بني هارون ڪاهنن جا ڪل شهر ٻهراڙين سميت تيرهن هئا.

²⁰ ۽ بني قهات جا قبيلا، جي لاوي هئا، يعني بني قهات مان جيڪي باقي بچيا هئا، تن کي افرائيم جي فرقي مان پنهنجن ڪڻن جا شهر مليا.

²¹ ۽ اُنهن هنن کي افرائيم جي ڪوهستان ۾، سڪم، ٻهراڙيءَ سميت، جو خونيءَ جي لاءِ پناهہ جو شهر هو، ۽ جزر، ٻهراڙيءَ سميت ڏنو؛

²² ۽ قبضيم، ٻهراڙيءَ سميت، ۽ بيت حورون، ٻهراڙيءَ سميت؛ چار شهر.

²³ ۽ دان جي فرقي مان، التقيا، ٻهراڙيءَ سميت، جبتون، ٻهراڙيءَ سميت؛

²⁴ ۽ ايالون، ٻهراڙيءَ سميت، جات رمون، ٻهراڙيءَ سميت؛ چار شهر.

²⁵ ۽ منسي جي اڌ فرقي مان تعناڪ، ٻهراڙيءَ سميت، ۽ جات رمون، ٻهراڙيءَ سميت: ٻہ شهر.

²⁶ باقي رهيلن بني قهات جي قبيلن جا سڀ شهر ٻهراڙين سميت ڏهہ هئا.

²⁷ ۽ لاوين جي قبيلن مان بني جيرسون کي منسيءَ جي اڌ فرقي مان، هنن بسن ۾ جولان، ٻهراڙيءَ سميت، جو خونيءَ جي لاءِ پناهہ جو شهر هو، ڏنو؛ بعستراہ، ٻهراڙيءَ سميت؛ ٻہ شهر.

²⁸ ۽ اشڪار جي فرقي مان، قسيون، ٻهراڙيءَ سميت، ۽ دبرت، ٻهراڙيءَ سميت؛

²⁹ يرموت، ٻهراڙيءَ سميت، عين جنيم، ٻهراڙيءَ سميت؛ چار شهر.

³⁰ ۽ آشر جي فرقي مان مسال، ٻهراڙيءَ سميت، عبدون، ٻهراڙيءَ سميت،

³¹ خلقت، ٻهراڙيءَ سميت، ۽ رحوب، ٻهراڙيءَ سميت؛ چار شهر.

³² ۽ نفتالي جي فرقي مان، جليل ۾ قادس، ٻهراڙيءَ سميت، جو خونيءَ جي پناهہ جو شهر هو، ۽ حمات دور، ٻهراڙيءَ سميت، ۽ قرتان، ٻهراڙيءَ سميت؛ ٽي شهر.

³³ جيرسونين جا ڪل شهر، سندن قبيلن موجب، تيرهن شهر ٻهراڙين سميت هئا.

³⁴ ۽ باقي رهيلن لاوين، بني مراري جي قبيلن کي، زبولون جي فرقي مان يقنعام، ٻهراڙيءَ سميت، ۽ قرتاہ، ٻهراڙيءَ سميت،

³⁵ دمنہ، ٻهراڙيءَ سميت، نهلال، ٻهراڙيءَ سميت؛ چار شهر.

³⁶ ۽ روبن جي فرقي مان، بصر، ٻهراڙيءَ سميت؛ ۽ يهصہ، ٻهراڙيءَ سميت،

³⁷ قديمات، ٻهراڙيءَ سميت، ۽ مفعت ٻهراڙيءَ سميت؛ چار شهر.

³⁸ ۽ جد جي فرقي مان جلعاد ۾، رامہ، ٻهراڙيءَ سميت، جو خونيءَ جي پناهہ جو شهر هو، ۽ محنايم، ٻهراڙيءَ سميت؛

³⁹ حسبون ٻهراڙيءَ سميت، يعزير، ٻهراڙيءَ سميت؛ چار شهر.

⁴⁰ اهي سڀ شهر بني مراريءَ جا سندن قبيلن موجب هئا، جي لاوين جي قبيلن مان باقي بچيا هئا؛ ۽ انهن جي حصي ۾ ٻارهن شهر آيا.

⁴¹ بني اسرائيل جي موروثي ملڪيت جي وچ ۾ لاوين جا ڪل شهر اٺيتاليهہ ٻهراڙين سميت هئا.

⁴² انهن مان هر ڪنهن شهر جي ٻهراڙي ان جي آس پاس هئي؛ ۽ انهن سڀني شهرن جو اهو حال هو.

⁴³ انهي طرح خداوند اسرائيل کي اُهو سڄو ملڪ ڏنو، جنهن جي لاءِ هنن جي ابن ڏاڏن سان قسم کنيو هئائين؛ ۽ اُهو هنن هٿ ڪيو ۽ انهي ۾ رهڻ لڳا.

⁴⁴ ۽ خداوند هنن کي چوڌاري آرام ڏنو، جيئن سندن ابن ڏاڏن سان قسم کنيو هئائين: ۽ سندن سڀني دشمنن مان هڪڙو ماڻهو بہ سندن اڳيان نہ بيهي سگهيو؛ خداوند سڀني دشمنن کي سندن حوالي ڪيو.

⁴⁵ ڪابہ چڱي ڳالهہ جنهن بابت خداوند اسرائيل جي گهراڻي سان ذڪر ڪيو هو سا ڪانہ گٿي؛ سڀيئي اچي پوريون ٿيون.