يشوع 19 - Sindhi Bible

¹ ۽ ٻئي ڪڻي وارو حصو شمعون جي لاءِ نڪتو، يعني بني شمعون جي فرقي لاءِ، سندن قبيلن موجب: ۽ انهيءَ جو موروثي حصو بني يهوداہ جي موروثي حصي جي وچ ۾ هو.

² ۽ انهن کي ورثي ۾ بيرسبع، سبع، ۽ مولادہ مليا؛

³ ۽ حصار سعول، ۽ بالاہ، ۽ عضم؛

⁴ ۽ التولد، ۽ بتول، ۽ حرمہ؛

⁵ ۽ صقلاج، ۽ بيٿ مرڪبوٿ، ۽ حصار سوسہ؛

⁶ ۽ بيٿ لبائوٿ، ۽ ساروحن؛ تيرهن شهر ڳوٺن سميت:

⁷ عين، ۽ رمون، ۽ عتر، ۽ عسن؛ چار شهر ڳوٺن سميت:

⁸ ۽ سڀ ڳوٺ جي انهن شهرن جي آس پاس هئا، بعلاٿ بير ۽ ڏکڻ واري رامہ تائين. اهو آهي بني شمعون جي فرقي جو ورثو سندن قبيلن موجب.

⁹ بني شمعون جو ورثو بني يهوداہ واري حصي منجهان هو؛ ڇالاءِ جو بني يهوداہ وارو حصو سندن لاءِ گهرج کان وڌيڪ هو: تنهنڪري بني شمعون کي پنهنجو ورثو هنن جي موروثي حصي جي وچ ۾ مليو.

¹⁰ ۽ ٽئين ڪڻي وارو حصو بني زبولون لاءِ سندن قبيلن موجب نڪتو: ۽ انهن جي موروثي حصي جي حد ساريد تائين هئي:

¹¹ ۽ انهن جي سرحد الهندي ڏي مرعلہ ڏانهن ويئي، ۽ وڃي دباسٿ تائين پهتي؛ ۽ جيڪا نهر يقنعام جي اڳيان آهي، تنهن تائين وڃي پهتي؛

¹² پوءِ اُها ساريد کان اُڀرندي ڏانهن، يعني سج اُڀرڻ واري پاسي، ڪسلوٿ تبور جي سرحد تائين ڦري ويئي؛ ۽ اڳتي دبرٿ ڏانهن نڪري ۽ يفيع تائين چڙهي ويئي؛

¹³ ۽ اُتان اُها لنگهي اُڀرندي ڏانهن هلي جٿہ حيفر ۽ عٿہ قاضين ڏانهن ويئي؛ پوءِ نڪري رمون ڏانهن ويئي، جو نيعہ تائين پکڙيل آهي؛

¹⁴ پوءِ اها سرحد انهيءَ جي چوڌاري ڦري اُتر پاسي حناٿون ڏانهن ويئي: ۽ ان جي پڇاڙي وڃي افتاح ايل جي وادي تي بيٺي؛

¹⁵ ۽ قطاٿ، ۽ نحلال، ۽ سمرون، ۽ ادالہ، ۽ بيت الحم: ٻارهن شهر ڳوٺن سميت.

¹⁶ اهو آهي بني زبولون جو ورثو، سندن قبيلن موجب، اهي شهر ۽ انهن جا ڳوٺ.

¹⁷ چوٿين ڪڻي وارو حصو اشڪار لاءِ نڪتو، يعني بني اشڪار لاءِ، سندن قبيلن موجب.

¹⁸ ۽ انهن جي سرحد يزرعيل، ۽ ڪسولوٿ، ۽ شونيم؛

¹⁹ ۽ حفاريم، ۽ شيون، ۽ اناخراٿ؛

²⁰ ۽ ربيٿ، ۽ قسيون ۽ ابض؛

²¹ ۽ ريمٿ، ۽ عين جنيم، ۽ عين حدہ، ۽ بيت فصيض تائين هئي؛

²² پوءِ اُها سرحد وڃي تبور، ۽ شخصيماہ، ۽ بيت شمس تائين پهتي؛ ۽ هنن جي سرحد جي پڇاڙي وڃي يردن تي بيٺي: سورهن شهر سندن ڳوٺن سميت.

²³ اهو آهي بني اشڪار جي فرقي جو ورثو سندن قبيلن موجب، اهي شهر ۽ انهن جا ڳوٺ.

²⁴ ۽ پنجين ڪڻي وارو حصو بني آشر جي لاءِ سندن قبيلن موجب نڪتو.

²⁵ ۽ انهن جي سرحد هئي خلقٿ، ۽ حلي، ۽ بطن، ۽ اڪشاف؛

²⁶ ۽ الملڪ، ۽ عماد، ۽ مسال؛ ۽ اُها الهندي ڏانهن ڪرمل تائين، ۽ سيحور لبنات تائين وڃي پهتي؛

²⁷ ۽ پوءِ اُها اُڀرندي ڏانهن بيٿ دجون ڏانهن ڦري، ۽ زبولون تائين وڃي پهتي، ۽ اُتر ڏانهن افتاح ايل جي واديءَ تائين، ۽ بيت العمق، ۽ نفي ايل تائين ويئي؛ پوءِ اُها نڪري کٻي هٿ پاسي ڪبول ڏانهن ويئي،

²⁸ ۽ عبرون، ۽ رحوب، ۽ حمون، ۽ قاناہ، ۽ وڏي صيدا تائين ويئي؛

²⁹ پوءِ اُها سرحد ڦري رامہ ڏانهن ۽ قلعي واري شهر صور ڏانهن ويئي؛ ۽ اُتان حوسہ ڏانهن هلي؛ ۽ پوءِ اڪزيب جي ملڪ جي ڀرسان سمنڊ تي وڃي بيٺي:

³⁰ عمہ، ۽ افيق، ۽ رحوب: ٻاويهہ شهر ڳوٺن سميت.

³¹ اهو آهي بني آشر جي فرقي جو ورثو سندن قبيلن موجب، يعني اهي شهر ۽ انهن جا ڳوٺ.

³² ڇهين ڪڻي وارو حصو بني نفتاليءَ جو نڪتو، يعني بني نفتاليءَ جو سندن قبيلن موجب.

³³ ۽ انهن جي سرحد حلف کان شروع ٿي، ۽ ضعننيم جي شاہ بلوط، ۽ ادامي نقب، ۽ يبني ايل کان لقوم تائين؛ ۽ انهن جي پڇاڙي وڃي يردن تي بيٺي:

³⁴ پوءِ سرحد ڦري الهندي پاسي ازنوٿ تبور ڏانهن ويئي، ۽ اُتان نڪري حقوق ڏانهن ويئي؛ ۽ ڏکڻ پاسي زبولون کي وڃي پهتي، ۽ اُلهندي پاسي آشر کي وڃي پهتي، ۽ اُڀرندي پاسي يردن وٽ يهوداهہ تائين ويئي.

³⁵ ۽ قلعن وارا شهر هئا صديم، صير، ۽ حماٿ، رقٿ، ۽ ڪنرٿ؛

³⁶ ۽ ادامہ، رامہ، ۽ حصور؛

³⁷ ۽ قادس، ۽ ادرعي، ۽ عين حصور؛

³⁸ ۽ ارون، ۽ مجدال ايل، حريم، ۽ بيٿ عناٿ، ۽ بيٿ شمس؛ اوڻيهہ شهر سندن ڳوٺن سميت.

³⁹ اهو آهي بني نفتاليءَ جي فرقي جو ورثو سندن قبيلن موجب، يعني اهي شهر سندن ڳوٺن سميت.

⁴⁰ ستين ڪڻي وارو حصو بني دان جو نڪتو، سندن قبيلن موجب.

⁴¹ ۽ انهن جي موروثي حصي جي سرحد هئي صرعاہ، ۽ استال، عيرشمس؛

⁴² ۽ شعلبين، ۽ ايالون، ۽ اٿلاہ؛

⁴³ ۽ ايلون، ۽ تمناتہ، ۽ عقرون؛

⁴⁴ ۽ التقيہ، ۽ جبٿون، ۽ بعلاٿ؛

⁴⁵ ۽ يهود، ۽ بني برق، ۽ جات رمون؛

⁴⁶ ۽ مي يرقون، ۽ رقون، يافہ جي سامهين سرحد سميت.

⁴⁷ ۽ بني دان جي سرحد انهن کان پري هلي ويئي، ڇالاءِ جو بني دان وڃي لشم سان وڙهيا ۽ اهو ورتائون، ۽ انهن کي ترار جي ڌار سان ماري قبضو ڪيائون، ۽ انهيءَ ۾ رهيا؛ ۽ لشم کي پنهنجي پيءُ دان جي نالي پٺيان، دان سڏيائون.

⁴⁸ اهو آهي بني دان جي فرقي جو ورثو، سندن قبيلن موجب، يعني اهي شهر سندن ڳوٺن سميت.

⁴⁹ انهيءَ طرح هنن اها زمين ان جي سرحدن موجب موروثي حصا ڪري ورهائي پوري ڪئي؛ ۽ بني اسرائيل پنهنجي وچ ۾ هڪڙو حصو يشوع بن نون کي ڏنو:

⁵⁰ خداوند جي حڪم موجب هنن هن کي اُهو شهر ڏنو جو هن گهريو هو، يعني تمنٿ سرح، جو افرائيم جي ڪوهستان ۾ آهي: ۽ هن اُهو شهر ٻڌو، ۽ انهي ۾ رهڻ لڳو.

⁵¹ هي اُهي موروثي حصا آهن جي اليعزر ڪاهن، ۽ يشوع بن نون، ۽ بني اسرائيل جي فرقن ۽ گهراڻن جي بزرگن سيلا ۾ خداوند جي اڳيان، جماعت واري تنبوءَ جي در وٽ ڪڻا وجهي ورهايا. انهيءَ طرح هنن اُنهيءَ زمين کي ورهائي پورو ڪيو.