يشوع 12 - Sindhi Bible

¹ هاڻي جيڪا زمين يردن جي هن ڀر اُڀرندي ڏي ارنون جي واديءَ کان وٺي حرمون جي جبل تائين هئي، ۽ جيڪو ميدان اُڀرندي ڏي هو، تن جي جن جن بادشاهن کي بني اسرائيل ماري انهن جو ملڪ هٿ ڪيو، سي هي آهن:

² امورين جو بادشاهہ سيحون، جو حسبون ۾ رهندو هو، ۽ جنهن جي بادشاهي عروعير کان وٺي، جو ارنون جي واديءَ جي ڪناري تي آهي، واديءَ جي وچ تائين، ۽ جلعاد جي اڌ تائين يعني بني عمون جي حد، يبوق نديءَ تائين هئي،

³ ۽ ميدان کان وٺي اُڀرندي ڏي ڪنرٿ جي سمنڊ تائين، ۽ ميدان جي سمنڊ ڏي يعني اُڀرندي واري کاري سمنڊ تائين، جو بيت يسيموٿ ڏي وڃڻ جو رستو آهي، ۽ پسگہ جي لاهيءَ هيٺان ڏکڻ تائين هئي:

⁴ ۽ بسن جي بادشاهہ عوج جي سرحد، جو باقي بچيل رفائيم مان هو، ۽ عستارات ۽ ادرعيءَ وٽ رهندو هو،

⁵ ۽ جنهن جي بادشاهي هئي حرمون جبل ۾، ۽ سلڪہ، ۽ سڄي بسن تي، جسورين ۽ معڪاتين جي سرحد ۽ اڌ جلعاد تائين، ۽ حسبون جي بادشاهہ سيحون جي سرحد تي هئي:

⁶ انهن کي خداوند جي ٻانهي موسيٰ ۽ بني اسرائيل ماري مات ڪيو: ۽ خداوند جي ٻانهي موسيٰ اهو سڄو ملڪ ورثو ڪري بني روبن، ۽ بني جد، ۽ منسيءَ جي اڌ فرقي کي ڏيئي ڇڏيو هو.

⁷ ۽ جيڪو ملڪ يردن جي هن ڀر الهندي ڏي لبنان جي واديءَ ۾ بعل جد کان وٺي خلق جبل، جو سعير ڏي ٿو وڃي، تنهن تائين آهي، تنهن جا بادشاهہ هي آهن، جن کي يشوع ۽ بني اسرائيل ماري مات ڪيو، ۽ انهن جو ملڪ ورثو ڪري هن بني اسرائيل کي سندن حصن موجب ورهائي ڏيئي ڇڏيو هو؛

⁸ يعني جابلو ملڪ ۾، ۽ وادين ۾، ۽ ميدانن ۾، ۽ لاهين تي، ۽ بيابان ۾، ۽ ڏکڻ واري ملڪ ۾؛ حتي ۽ اموري، ۽ ڪنعاني، ۽ فرزي، ۽ حوي، ۽ يبوسي:

⁹ يريحو جو بادشاهہ، هڪڙو؛ عئيءَ جو بادشاهہ، جو بيت ايل جي ڀرسان هو، هڪڙو؛

¹⁰ يروشلم جو بادشاهہ، هڪڙو؛ حبرون جو بادشاهہ، هڪڙو؛

¹¹ يرموٿ جو بادشاهہ، هڪڙو؛ لڪيس جو بادشاهہ، هڪڙو؛

¹² عجلون جو بادشاهہ، هڪڙو؛ جزر جو بادشاهہ، هڪڙو؛

¹³ دبير جو بادشاهہ، هڪڙو؛ جدر جو بادشاهہ، هڪڙو؛

¹⁴ حرمہ جو بادشاهہ، هڪڙو؛ عراد جو بادشاهہ، هڪڙو؛

¹⁵ لبناہ جو بادشاهہ، هڪڙو؛ عدلام جو بادشاهہ، هڪڙو؛

¹⁶ مقيدہ جو بادشاهہ، هڪڙو؛ بيت ايل جو بادشاهہ، هڪڙو؛

¹⁷ تفوح جو بادشاهہ، هڪڙو؛ حفر جو بادشاهہ، هڪڙو؛

¹⁸ افيق جو بادشاهہ، هڪڙو؛ لشرون جو بادشاهہ، هڪڙو؛

¹⁹ مدون جو بادشاهہ، هڪڙو؛ حصور جو بادشاهہ، هڪڙو؛

²⁰ ۽ سمرون مرون جو بادشاهہ، هڪڙو؛ اڪشاف جو بادشاهہ، هڪڙو؛

²¹ تعنڪ جو بادشاهہ، هڪڙو؛ مجدو جو بادشاهہ، هڪڙو؛

²² قادس جو بادشاهہ، هڪڙو؛ ڪرمل واري يقنعام جو بادشاهہ، هڪڙو؛

²³ دور جي چوٽيءَ تي دور جو بادشاهہ، هڪڙو؛ جلجال جي قومن جو بادشاهہ، هڪڙو؛

²⁴ ترضہ جو بادشاهہ، هڪڙو؛ ڪل ايڪٽيهہ بادشاهہ هئا.