پيدائش 10 - Sindhi Bible

¹ نوح جي پٽن سم، حام ۽ يافت جو نسب نامو هن ريت آهي: طوفان کان پوءِ هنن کي پٽ ڄاوا.

² يافت جا پٽ هئا، جمر، ماجوج، مادي، ياوان، توبل، مسڪ ۽ تيراس.

³ جمر جا پٽ هئا، اشڪناز، ريفت، ۽ تجرمہ.

⁴ ۽ ياوان جا پٽ هئا السيہ، ترسيس، ڪتي ۽ دوداني.

⁵ قومن جا ٻيٽ انهن ئي جي اولاد ۾، سندن قبيلن ۽ ملڪن موجب ورهائجي ويا، جن مان هر هڪ جي ٻولي پنهنجي هئي.

⁶ حام جا پٽ هئا، ڪوش، مصر، فوطہ ۽ ڪنعان.

⁷ ڪوش جا پٽ هئا، سبا، حويلہ، سبتہ، رعماہ ۽ سبتيڪ. رعماہ جا پٽ هئا، سبا ۽ ددان.

⁸ ڪوش مان نمرود پيدا ٿيو، جو ملڪ ۾ هڪڙو زبردست پهلوان هو.

⁹ هو خداوند جي اڳيان هڪڙو شڪاري پهلوان هو، انهيءَ ڪري اها چوڻي ٿي ويئي تہ خداوند جي اڳيان نمرود جهڙو شڪاري پهلوان.

¹⁰ هن جي بادشاهت جي شروعات سنعار ملڪ جي بابل، ارڪ، اڪاد ۽ ڪلنہ مان ٿي.

¹¹ انهيءَ ملڪ مان نڪري هو اسور ۾ آيو، جتي ڪي شهر ٻڌائين، جهڙوڪ نينوہ، رحوبو تعير ۽ ڪلجہ.

¹² نينوہ ۽ ڪلجہ جي وچ ۾ رسن هو، جو وڏو شهر هو.

¹³ مصر مان لودي، عنامي، لهابي، نفتوحي،

¹⁴ فتروسي، ڪسلوحي (جن مان فلستي نڪتا) ۽ ڪفتوري پيدا ٿيا.

¹⁵ ڪنعان کي پهريون پٽ صيدون ڄائو ۽ پوءِ حت؛

¹⁶ انهيءَ مان يبوسي، اموري، جرجاسي،

¹⁷ حوي، عرقي، سيني

¹⁸ اروادي، صماري ۽ حماتي پيدا ٿيا: ۽ پوءِ ڪنعاني قبيلا پکڙجي ويا.

¹⁹ ڪنعانين جون حدون هن ريت آهن: صيدا کان غزہ تائين، جو جرار جي واٽ تي آهي، ۽ ٻئي پاسي لسع تائين جو سدوم، عمورہ، ارمہ ۽ ضيبيان جي واٽ تي آهي.

²⁰ سو حام جو اولاد اهو آهي، جو پنهنجن قبيلن ۽ ٻولين موجب پنهنجن ملڪن ۽ قومن ۾ آباد آهي.

²¹ سم، جو عبر جي سڀني ٻارن جو ڏاڏو ۽ يافت جو وڏو ڀاءُ هو، تنهن مان بہ اولاد پيدا ٿيو.

²² سم جا پٽ هئا، عيلام، اسور، ارفڪسد، لود ۽ ارام.

²³ ارام جا پٽ هئا، عوض، حول، جتر ۽ مس.

²⁴ ارفڪسد مان سلحہ پيدا ٿيو، ۽ سلحہ مان عبر.

²⁵ عبر کي ٻہ پٽ هئا، هڪڙي جو نالو فلجہ هو؛ ڇالاءِ جو انهيءَ جي ڏينهن ۾ زمين ورهائجي ويئي ۽ سندس ڀاءُ جو نالو يقطان هو.

²⁶ يقطان مان الموداد، سلف، حصارماوت، اراخ؛

²⁷ هدورام، اوزال، دقلہ:

²⁸ عوبل، ابي مائيل، سبا؛

²⁹ اوفير، حويلہ ۽ يوباب پيدا ٿيا؛ اهي سڀيئي يقطان جا پٽ هئا.

³⁰ انهن جي رهڻ جو هنڌ ميسا کان وٺي اُڀرندي واري سفار جبل ڏانهن هو.

³¹ سم جو اولاد اهو آهي، جو پنهنجن قبيلن ۽ ٻولين موجب، پنهنجن ملڪن ۽ قومن ۾ آباد آهي.

³² نوح جي پٽن جو اولاد پنهنجن قبيلن ۽ قومن موجب اهو آهي، ۽ طوفان کان پوءِ جيڪي قومون زمين تي ورهائجي ويون، سي انهن مان ئي هيون.