1.تواريخ 9 - Sindhi Bible

¹ انهيءَ طرح سڀ اسرائيلي پيڙهين موجب شمار ڪيا ويا؛ ۽ ڏس، اُهي اسرائيل جي بادشاهن جي ڪتاب ۾ لکيل آهن؛ ۽ يهوداہ، پنهنجن گناهن ڪري قيد ٿي بابل ڏي کڄي ويو.

² هاڻي پهريان رهاڪو، جي هنن جي ملڪيت وارن شهرن ۾ رهندا هئا، سي اسرائيلي هئا، يعني ڪاهن، لاوي ۽ نتينيم.

³ ۽ يروشلم ۾ بني يهوداہ جا، ۽ بني بنيمين جا، ۽ بني افرائيم، ۽ بني منسيءَ جا، ڪي ماڻهو رهندا هئا؛

⁴ فارص بن يهوداہ جي اولاد مان عوتي بن عميهود، بن عمري، بن امري، بن باني.

⁵ ۽ سيلونين مان؛ عساياہ پهريون ڄاول، ۽ ان جا پٽ.

⁶ ۽ زارح جي پٽن مان؛ يعوايل ۽ انهن جا ڀائر، ڇهہ سؤ ۽ نوي.

⁷ ۽ بنيمين جي پٽن مان؛ سلو بن مسلام، بن هوداوياہ، بن هسينوآہ؛

⁸ ۽ ابنياہ بن يروحام، ۽ ايلا بن عزي، بن مڪري، ۽ مسلام، بن سفطياہ، بن رعوايل، بن ابنياہ؛

⁹ ۽ انهن جا ڀائر، سندن پيڙهين موجب، نوَ سؤ ۽ ڇاونجاهہ. اهي سڀ ماڻهو سندن ابن جي گهراڻن موجب ابن جي گهرن جا رئيس هئا.

¹⁰ ۽ ڪاهنن مان؛ يدعياہ، ۽ يهويريب، ۽ يڪين؛

¹¹ ۽ عزرياہ، بن خلقياہ، بن مسلام، بن صدوق، بن مرايوت، بن اخيطوب، جو خدا جي گهر جو حاڪم هو؛

¹² ۽ عداياہ بن يروحام، بن فشحور، بن ملڪياہ، ۽ معسي، بن عديئيل، بن يحزيراہ، بن مسلام، بن مسلميت، بن امير؛

¹³ ۽ انهن جا ڀائر، سندن ابن جي گهراڻن جا رئيس، هڪ هزار ست سؤ ۽ سٺ ڄڻا، جي خدا جي گهر جي خدمت جي ڪم لاءِ تمام هوشيار ماڻهو هئا.

¹⁴ ۽ لاوين مان؛ سمعياہ، بن حسوب، بن عزريقام، بن حسبياہ، جي مراريءَ جي پٽن مان هئا؛

¹⁵ ۽ بقبقر، حرس، ۽ جلال، ۽ متنياہ بن ميڪاہ، بن زڪري، بن آسف؛

¹⁶ ۽ عبدياہ، بن سمعياہ، بن جلال، بن يدوتون، ۽ برڪياہ بن آسا، بن القانہ، جي نطوفايتن جي ڳوٺن ۾ رهندا هئا.

¹⁷ ۽ دربان، سلوم، ۽ عقوب، ۽ طلمون، ۽ اخيمان، ۽ انهن جا ڀائر؛ سلوم منجهن سردار هو؛

¹⁸ اهي هن کان اڳي اُڀرندي ڏي بادشاهہ جي دروازي تي بيهندا هئا: اهي بني لاوي جي لشڪرگاهہ جا دربان هوندا هئا.

¹⁹ ۽ سلوم بن قوري، بن ابي آسف، بن قورح، ۽ انهيءَ جا ڀائر سندس پيءُ جي گهراڻي مان. يعني قورحي، عبادت جي ڪم جي نظرداري ڪندا هئا، ۽ تنبوءَ جي دروازن جا نگهبان هوندا هئا: ۽ انهن جا ابا خداوند جي لشڪرگاهہ جي نظرداري ڪندا هئا، ۽ اندر گهڙڻ واري در جا نگهبان هوندا هئا؛

²⁰ ۽ فينحاس بن اليعزر اڳين ڏينهن ۾ انهن جو حاڪم هوندو هو، ۽ خداوند انهيءَ سان هو.

²¹ زڪرياہ بن مسلمياہ جماعت واري تنبوءَ جو دربان هو.

²² اهي سڀيئي جي درن جي لاءِ چونڊي دربان ڪري رکيا ويا هئا، سي ٻہ سؤ ٻارنهن ڄڻا هئا. اهي سندن نسب نامي موجب سندن ڳوٺن ۾ شمار ڪيا ويا هئا، ۽ انهن کي دائود ۽ سموئيل نبيءَ سندن عهدن تي مقرر ڪيو هو.

²³ تنهنڪري اهي ۽ انهن جو اولاد خداوند جي گهر جي درن جي نظرداري ڪندا هئا، يعني تنبوءَ جي گهر جي درن جي، انهن جي ڪوٺين موجب.

²⁴ چئني پاسن کان دربان هوندا هئا، يعني اُڀرندي، اُلهندي، اُتر ۽ ڏکڻ ڏي.

²⁵ ۽ انهن جا ڀائر، جي ڳوٺن ۾ هوندا هئا، تن کي وقت بوقت، هفتي هفتي اچي ساڻن شامل ٿيڻو پوندو هو:

²⁶ ڇالاءِ جو چار مکيہ دربان، جي لاوي هوندا هئا، سي ٺهرايل عهدي تي هوندا هئا، ۽ اهي خدا جي گهر ۾ ڪوٺين تي ۽ خزانن تي هوندا هئا.

²⁷ ۽ اُهي خدا جي گهر جي آس پاس رهندا هئا، ڇالاءِ جو انهن جي سنڀال مٿن هوندي هئي ۽ روزبروز صبح جو انهن کي کولڻ سندن ذمي هوندو هو.

²⁸ ۽ انهن مان ڪي عبادت جي ٿانوَن جي سنڀال ڪندا هئا؛ ڇالاءِ جو اُهي شمار سان اندر آڻبا هئا ۽ شمار سان ٻاهر ڪڍبا هئا.

²⁹ انهن مان ڪي سامان تي، ۽ پاڪ جاءِ جي سڀني ٿانوَن تي، ۽ ميدي ۽ شراب، ۽ تيل، ۽ لوبان ۽ مصالحن تي مقرر هوندا هئا.

³⁰ ۽ ڪاهنن جي پٽن مان ڪي مصالحہ گڏي خوشبوئيون جوڙيندا هئا.

³¹ ۽ لاوين مان هڪڙو متتياہ، جو سلوم قرحيءَ جو پهريون ڄاول ٻار هو، سو انهن شين تي مقرر هوندو هو جي تئيءَ ۾ پچائبيون هيون.

³² ۽ انهن جي ڀائرن، قهاتين جي پٽن مان ڪي نذراني جي پاڪ مانيءَ تي هوندا هئا، جا هو سڀ ڪنهن سبت جي ڏينهن پچائيندا هئا.

³³ ۽ ڳائڻ وارا، جي لاوين جي ابن جي گهراڻن جا رئيس هوندا هئا، ۽ جي ڪوٺين ۾ رهندا هئا، ۽ ٻي خدمت چاڪريءَ کان آزاد هوندا هئا، سي اهي آهن: ڇالاءِ جو اُهي رات ڏينهن پنهنجي ڪم ۾ مشغول رهندا هئا.

³⁴ اهي هئا لاوين جي ابن جي گهراڻن جا رئيس، جي سندن سڀني پيڙهين ۾ مکيہ ماڻهو هئا: اهي يروشلم ۾ رهندا هئا.

³⁵ ۽ جبعون ۾ جبعون جو پيءُ يعي ايل رهندو هو، جنهن جي زال جو نالو معڪہ هو؛

³⁶ ۽ انهيءَ جو پهريون ڄاول ٻار هو عبدون، ۽ ٻيا هئا ضور، ۽ قيس، ۽ بعل، ۽ نير، ۽ ندب؛

³⁷ ۽ جدور، ۽ اخيو، ۽ زڪرياہ، ۽ مقلوت.

³⁸ ۽ مقلوت کي سمعام ڄائو، ۽ اُهي بہ پنهنجن ڀائرن جي آمهون سامهون پنهنجن ڀائرن سان گڏ يروشلم ۾ رهندا هئا.

³⁹ ۽ نير کي قيس ڄائو: ۽ قيس کي سائول ڄائو؛ ۽ سائول کي يونتن ڄائو ۽ ملڪيشوع، ۽ ابينداب، ۽ اشبعل.

⁴⁰ ۽ يونتن جو پٽ مريببعل هو؛ ۽ مريببعل کي ميڪاہ ڄائو.

⁴¹ ۽ ميڪاہ جا پٽ؛ فيتون، ۽ ملڪ، ۽ تحريع، ۽ آخز،

⁴² ۽ آخز کي يعرہ ڄائو؛ ۽ يعرہ کي علمت، ۽ عزماوت، ۽ زمري ڄاوا؛ ۽ زمريءَ کي موضا ڄائو:

⁴³ ۽ موضا کي بنعہ ڄائو؛ ۽ انهيءَ جو پٽ هو رفاياہ، ۽ انهيءَ جو پٽ اليعسہ، ۽ جا پٽ اصيل:

⁴⁴ ۽ اصيل کي ڇهہ پٽ هئا، جن جا نالا هي آهن؛ عزريقام، بوڪرو، ۽ اسماعيل، ۽ سغرياہ، ۽ عبدياہ، ۽ حنان؛ اهي هئا اصيل جا پٽ.