1.تواريخ 4 - Sindhi Bible

¹ يهوداہ جا پٽ؛ فارص، حصرون، ڪرمي، حور، سوبل.

² ۽ سوبل جي پٽ رياياہ کي يحت ڄائو؛ ۽ يحت کي اخومي، ۽ لاهد ڄاوا. اهي آهن صرعتين جا گهراڻا.

³ ۽ عيطام جي پيءُ جا هي پٽ هئا؛ يزرعيل ۽ اسمع ۽ ادباس: ۽ انهيءَ جي ڀيڻ جو نالو هضل الفوني هو:

⁴ ۽ فنوايل، جو جدور جو پيءُ هو، ۽ عزر، جو حوسہ جو پيءُ هو، اهي آهن حور جا پٽ، جو افراتہ جو پهريون ڄاول ٻار هو، ۽ بيت الحم جو پيءُ هو.

⁵ ۽ تقوع جي پيءُ اشور کي ٻہ زالون هيون، حيلاہ ۽ نعراہ.

⁶ ۽ نعراہ مان هن کي اخوسام ۽ حفر ۽ تيمني ۽ هخستري ڄاوا. اهي هئا نعراہ جا پٽ.

⁷ ۽ حيلاہ جا پٽ هئا ضرت ۽ يضوآر ۽ اتنان.

⁸ ۽ قوض مان عنوب ۽ ضوبيبہ، ۽ حروم جي پٽ آخرخيل جا گهراڻا پيدا ٿيا.

⁹ ۽ يعبيض پنهنجن ڀائرن کان وڌيڪ عزت آبرو وارو هو: ۽ ماڻس يعبيض نالو هن ڪري ڏنس جو چيائين تہ مون هن کي ڏکن سان ڄڻيو.

¹⁰ ۽ يعبيض اسرائيل جي خدا کي سڏي چيو تہ شل تون مون کي سچ پچ برڪت وارو ڪرين، ۽ منهنجي حد وڌائين، ۽ شل تنهنجو هٿ مون سان هجي، ۽ تون مون کي سچ پچ بڇڙائيءَ کان بچائين، تہ مون کي ڏک ڪونہ رسي! ۽ خدا اها سندس دعا قبول ڪئي.

¹¹ ۽ سوخہ جي ڀاءُ ڪلوب کي محير ڄائو، جو استون جو پيءُ هو.

¹² ۽ استون کي بيت رفا، ۽ فاسحہ، ۽ تحنہ، جو عيرنحس جو پيءُ هو، سي ڄاوا. اهي آهن ريڪاہ جا ماڻهو.

¹³ ۽ قنز جا پٽ؛ غتنئيل ۽ شراياہ: ۽ غتنئيل جو پٽ؛ حتت.

¹⁴ ۽ معوناتي کي عفرہ ڄائو: ۽ شراياہ کي يوآب ڄائو: جو خراسيم جو پيءُ هو؛ ڇالاءِ جو اُهي ڪاريگر ماڻهو هئا.

¹⁵ ۽ ڪالب بن يفنہ جا پٽ؛ عيرو، ايلا ۽ نعم: ۽ ايلا جا پٽ؛ قنز.

¹⁶ ۽ يهللئيل جا پٽ؛ زيف ۽ زيفہ، تيرياہ ۽ اسڪري ايل.

¹⁷ ۽ عزرہ جا پٽ؛ يتر، ۽ مرِد، ۽ عفر، ۽ يلون: ۽ هن مريم، ۽ سمعي، ۽ اسباح ڄڻيا جو استموع جو پيءُ هو.

¹⁸ ۽ هن جي يهودياڻي زال يرد ڄڻيو، جو جدور جو پيءُ هو، ۽ حبر، جو شوڪو جو پيءُ هو، ۽ يقوتئيل، جو زنوح جو پيءُ هو. ۽ اهي آهن بتياہ جا پٽ، جا فرعون جي ڌيءَ هئي، ۽ مرِد سان پرڻي هئي.

¹⁹ ۽ نحم جي ڀيڻ هودياہ جي زال جا پٽ هئا قعيلہ، جرمي جو پيءُ، ۽ استموع معڪاتي.

²⁰ ۽ سيمون جا پٽ؛ امنون ۽ رناہ، بن حنان ۽ تيلون. ۽ يسعي جا پٽ؛ زوحت ۽ بن زوحت.

²¹ يهوداہ جي پٽ سيلا جا پٽ؛ عير، جو لڪا جو پيءُ هو، ۽ لعدہ، جو مريسہ جو پيءُ هو، ۽ انهن جي گهراڻي جا قبيلا، جي عمدو ڪتاني ڪپڙو اُڻندا هئا، يعني بيت اشبيع جي گهراڻي جا؛

²² ۽ يوقيم، ۽ ڪوزيبا جا ماڻهو، ۽ يوآس، ۽ شراف، جي موآب ۾ حاڪم هئا، ۽ يسوبي لحم. ۽ اهي دفتر قديم آهن.

²³ اهي هئا ڪنڀر جي نتائيم ۽ گديرا جا رهاڪو هئا: اتي هو بادشاهہ وٽ سندس ڪم لاءِ رهندا هئا.

²⁴ شمعون جا پٽ؛ نموايل ۽ يمين، يريب، زارح، سائول:

²⁵ انهيءَ جو پٽ سلوم، انهيءَ جو پٽ مبسام، انهيءَ جو پٽ مسماع.

²⁶ ۽ مسماع جا پٽ؛ انهيءَ جو پٽ حموايل، انهيءَ جو پٽ زڪور، انهيءَ جو پٽ سمعي.

²⁷ ۽ سمعي کي سورهن پٽ ۽ ڇهہ ڌيئرون هيون؛ پر هن جي ڀائرن کي گهڻو اولاد ڪونہ هو، نڪي هنن جو اولاد يهوداہ جي اولاد وانگي وڌيو.

²⁸ ۽ اهي بيرسبع، ۽ مولادہ، ۽ حصرسوعال ۾ رهندا هئا؛

²⁹ ۽ بلها ۾، ۽ عضم ۾، ۽ تولاد ۾؛

³⁰ ۽ بتوايل ۾، ۽ حرمہ، ۽ صقلاج ۾؛

³¹ ۽ بيت مرڪبوت ۾، ۽ حصر سوسيم ۾، ۽ بيت برائي ۾، ۽ شعرئيم ۾ رهندا هئا. اهي هئا هنن جا شهر دائود جي راڄ تائين.

³² ۽ هنن جا ڳوٺ هئا عيطام ۽ عين، رمون ۽ توڪن ۽ عسن، مڙئي پنج شهر:

³³ ۽ انهن ساڳين شهرن جي چوڌاري هنن جا سڀ ڳوٺ بعل تائين. اهي هئا هنن جي رهڻ جا هنڌ، ۽ انهن کي پنهنجو نسب نامو آهي.

³⁴ ۽ مسوباب، ۽ يمليڪ، ۽ يوشہ بن امصياہ؛

³⁵ ۽ يوايل، ۽ ياهو بن يوسيبياہ، بن شراياہ، بن عسيئيل؛

³⁶ ۽ اليوعيني، ۽ يعقوبہ، ۽ يسوخايہ، ۽ عساياہ، ۽ عديئيل، ۽ يسيمئيل، ۽ بناياہ؛

³⁷ ۽ زيزا بن شفعي، بن الون، بن يداياہ، بن سمري، بن سمعياہ؛

³⁸ اهي، جن جا نالا ڏنا ويا، سي پنهنجن قبيلن جا سردار هئا؛ ۽ انهن جي ابن جا گهراڻا تمام گهڻو وڌي ويا.

³⁹ ۽ اُهي جدور جي گهڙڻ جي جاءِ تائين ويا، يعني انهيءَ واديءَ جي اُڀرندي پاسي تائين ويا، انهيءَ لاءِ تہ پنهنجن ڌڻن جي واسطي چارو ڳولين.

⁴⁰ ۽ انهن سڻڀو ۽ چڱو چارو لڌو، ۽ زمين ڪشادي، ۽ ماٺ ۽ آرام واري هئي؛ ڇالاءِ جو قديم وقت ۾ اُتي جيڪي رهندا هئا سي حام جو اولاد هئا.

⁴¹ ۽ اِهي ناليوار مٿي ذڪر ڪيل يهوداہ جي بادشاهہ حزقياہ جي ڏينهن ۾ آيا، ۽ هنن جا تنبو، ۽ معونيم جي اُتي لڌائون، تن کي ماريائون ۽ اڄ ڏينهن تائين بلڪل ناس ڪري ڇڏيائون، ۽ پاڻ اُنهن جي جاءِ تي رهي پيا: ڇالاءِ جو اُتي هنن جي ڌڻن جي لاءِ چارو موجود هو.

⁴² ۽ انهن مان ڪي، يعني شمعون جا پٽ، جي پنج سؤ ماڻهو هئا، سي شعير جبل ڏي ويا، ۽ سندن سردار فلطياہ، ۽ نعرياہ، ۽ رفاياہ، ۽ عزي ايل هئا، جي يسعيءَ جا پٽ هئا؛

⁴³ ۽ جيڪي عماليقي باقي بچيا هئا ۽ ڀڄي نڪتا هئا، تن کي ماري پاڻ اتي رهڻ لڳا، ۽ اڄ ڏينهن تائين اُتي رهندا اچن.