1.تواريخ 26 - Sindhi Bible

¹ ۽ دربانن جي ترتيب هيءَ هئي: قورحين مان مسلمياہ بن قوري، جو آسف جي پٽن مان هو.

² ۽ مسلمياہ جا هي پٽ؛ پهريتو زڪرياہ، ٻيو يدي عيل، ٽيون زبدياہ، چوٿون نتني ايل؛

³ پنجون عيلام، ڇهون يهوحانان، ستون اليهوعيني.

⁴ ۽ عوبيد ادوم جا هي پٽ هئا؛ پهريتو سمعياہ، ٻيو يهوزباد، ٽيون يوآخ، ۽ چوٿون سڪار، ۽ پنجون نتني ايل؛

⁵ ڇهون عمي ايل، ستون اشڪار، اٺون فعلتي: ڇالاءِ جو خداوند انهن کي برڪت ڏني هئي.

⁶ ۽ انهيءَ جي پٽ سمعياہ وٽ بہ پٽ ڄاوا، جن پنهنجي اباڻي گهراڻي تي حڪومت ڪئي: ڇالاءِ جو اهي زبردست بهادر هئا.

⁷ سمعياہ جا پٽ عتني، ۽ رفاايل، ۽ عوبيد، ۽ الزباد، جن جا ڀائر، اليهو ۽ سماڪياہ؛ بهادر مرد هئا.

⁸ اهي سڀيئي عوبيد ادوم جي اولاد مان هئا. اهي ۽ سندن پٽ ۽ سندن ڀائر خدمت جي لاءِ زور ڀريا ۽ هوشيار ماڻهو هئا؛ ڪل عوبيد ادومي ٻاهٺ هئا.

⁹ ۽ مسلمياہ جا پٽ ۽ ڀائر ارڙهن بهادر مرد هئا.

¹⁰ ۽ بني مراريءَ مان حوسہ کي بہ پٽ هئا؛ سِمري سردار (خواہ هو پهريتو نہ هو تہ بہ سندس پيءُ هن کي سردار مقرر ڪيو هو؛)

¹¹ ٻيو خلقياہ، ٽيون طبلياہ، چوٿون زڪرياہ: حوسہ جا سڀ پٽ ۽ ڀائر تيرهن هئا.

¹² انهن مان ئي يعني سردارن مان دربانن جي ترتيب لاءِ مقرر ڪم هو، تہ پنهنجن ڀائرن وانگر خداوند جي گهر ۾ خدمت ڪن.

¹³ ۽ انهن مان، ننڍن توڙي وڏن، پنهنجي اباڻي گهراڻن موجب، هرهڪ دروازي لاءِ ڪڻا وڌا.

¹⁴ ۽ اُڀرندي لاءِ سمعياہ جو ڪڻو پيو. انهيءَ کانپوءِ سندس پٽ زڪرياہ لاءِ، جو عقلمند مشير هو، هنن ڪڻو وڌو؛ ۽ سندس ڪڻو اُتر لاءِ پيو.

¹⁵ عوبيد ادوم لاءِ ڏکڻ جو، ۽ سندس پٽن لاءِ انبارخانہ جو.

¹⁶ سفيم ۽ حوسہ لاءِ اُلهندي جو يعني سلڪت جي دروازي وٽ جتان ٻنڌ مٿي ٿي ويو، ائين تہ هڪ ٻئي جي سامهون پهرو ڏين.

¹⁷ اُڀرندي پاسي ڇهہ لاوي، اُتر پاسي هر روز چار، انبارخاني لاءِ ٻہ.

¹⁸ ڏکڻ پاسي علائقي لاءِ، ٻنڌ وٽ چار، ۽ علائقي لاءِ ٻہ.

¹⁹ بني قوري ۽ بني مراريءَ لاءِ اها هئي دربانن جي ترتيب.

²⁰ ۽ لاوين مان اخياہ خدا جي گهر جي خزانن ۽ مخصوص ڪيل شين جي خزانن جي مٿان هو.

²¹ بني لعدان؛ جي لعدان جي گهراڻي جا ۽ جيرسوني هئا، ۽ لعدان جي جيرسونيءَ جي اباڻي گهراڻن جا سردار هئا؛ سي آهن يحي ايلي.

²² بني يحي ايلي، زيتام ۽ سندس ڀاءُ يوايل جي خداوند جي گهر جي خزانن جي مٿان هئا.

²³ عمرامين مان، اضهارين مان، حبرونين مان ۽ عزي ايلين مان:

²⁴ سبوايل بن جيرسوم، بن موسيٰ، خزانن جي مٿان هئا.

²⁵ ۽ سندس ڀائر، اليعزر مان انهيءَ جو پٽ رحبياہ، ۽ سندس پٽ يسعياہ، ۽ انهيءَ جو پٽ يورام، ۽ انهيءَ جو پٽ زڪري، ۽ انهيءَ جو پٽ سلوميت.

²⁶ ۽ اهو سلوميت ۽ سندس ڀائر انهن سڀني مخصوص ڪيل شين جي خزانن جي مٿان هئا، جي دائود بادشاهہ ۽ اباڻي گهراڻن جي سردارن، هزارن ۽ سوَن جي عملدارن، ۽ لشڪر جي سردارن، مخصوص ڪيون هيون.

²⁷ جنگين جي فتح ڪيل لٽ مان ڪجهہ مال هنن خداوند جي گهر جي مرمت لاءِ مخصوص ڪيو هو.

²⁸ ۽ اُهي سڀ شيون جي غيب دان سموئيل ۽ سائول بن قيس، ۽ ابنير بن نير، ۽ يوآب بن ضروياہ، مخصوص ڪيون هيون، ۽ ٻيو جيڪي بہ ڪنهن مخصوص ڪيو هو، سو سڀ سلوميت ۽ سندس ڀائرن جي هٿ هيٺ هو.

²⁹ اضهارين مان ڪنانياہ ۽ سندس پٽ، اسرائيل جي مٿان، ٻاهرين ڪم لاءِ هئا، يعني عملدار ۽ قاضي هئا.

³⁰ جبرونين مان، حسبياہ ۽ سندس ڀائر، جي هڪ هزار ست سؤ بهادر مرد هئا، اُهي اسرائيل جي مٿان يردن جي پار اُلهندي پاسي نظرداريءَ لاءِ هئا؛ يعني خداوند جي ساري ڪم لاءِ، ۽ بادشاهہ جي خدمت لاءِ هئا.

³¹ حبرونين مان يرياہ سردار، يعني حبرونين جي اباڻي گهراڻن جي نسب نامي موجب. دائود جي بادشاهت جي چاليهين ورهيہ ۾ انهن جي ڳولا ڪئي ويئي، ۽ هو جلعاد جي يعزير وٽ زبردست بهادر مردن ۾ لڌا ويا.

³² ۽ سندس ٻہ هزار ست سؤ ڀائرن کي، جي بهادر مرد هئا، ۽ اباڻي گهراڻن جا سردار هئا، تن کي دائود بادشاهہ روبينين تي، ۽ جد ۽ منسيءَ جي اڌ فرقي تي، خدا جي هر ڪنهن ڪم ۽ بادشاهہ جي سڀ ڪنهن ڪم لاءِ مقدم مقرر ڪيو.