1.تواريخ 24 - Sindhi Bible

¹ ۽ بني هارون جا هي حصا هئا. بني هارون: ندب، ابيهو، اليعزر ۽ اتمر.

² پر ندب ۽ ابيهو پنهنجي پيءُ کان اڳي مري ويا ۽ ڪوبہ اولاد ڪونہ هون. تنهنڪري اليعزر ۽ اتمر ڪهانت جو ڪم ڪيو.

³ ۽ دائود اليعزر جي پٽن مان صدوق کي، ۽ اتمر جي پٽن مان اخي ملڪ کي، انهن جي خدمت مطابق ورهايو:

⁴ اليعزر جي پٽن مان، اتمر جي پٽن کان وڌيڪ رئيس مليا؛ ۽ هو هن طرح ورهايا ويا: جو اليعزر جي اباڻي گهراڻن جا سورهن سردار؛ ۽ اتمر جي پٽن جي اباڻي گهراڻن جا اٺ سردار هئا.

⁵ انهيءَ طرح هو ڪڻا وجهي هڪ ٻئي جي آڏو ورهايا ويا؛ ڇالاءِ جو اليعزر ۽ اتمر جي پٽن مان ڪي سردار پاڪ جاءِ جا هئا، ۽ ڪي خدا جا.

⁶ ۽ سمعياہ بن نتني ايل محرر، جو لاوين مان هو، تنهن بادشاهہ، ۽ سردارن، ۽ صدوق ڪاهن، ۽ اخي ملڪ بن ابياتر، ۽ ڪاهنن ۽ لاوين جي اباڻي گهراڻي جي سردارن جي روبرو اهي لکيا: جڏهن اليعزر جو هڪڙو اباڻو گهراڻو کنيو ويو، تڏهن اتمر جو بہ هڪڙو اباڻو گهراڻو کنيو ويو.

⁷ ۽ پهريون ڪڻو يهويريب جو نڪتو، ٻيو يدعياہ جو؛

⁸ ٽيون حارم جو، چوٿون شعوريم جو؛

⁹ پنجون ملڪياہ جو، ڇهون ميامين جو؛

¹⁰ ستون هقوض جو، اٺون ابياہ جو؛

¹¹ نائون يشوع جو، ڏهون سڪانياہ جو؛

¹² يارهون الياسب جو، ٻارهون يقيم جو؛

¹³ تيرهون خفاہ جو، چوڏهون يسباب جو؛

¹⁴ پندرهون بلجاہ جو، سورهون امير جو؛

¹⁵ سترهون حزير جو، ارڙهون فضيض جو؛

¹⁶ اوڻيهون فتحياہ جو، ويهون يحزقيل جو؛

¹⁷ ايڪيهون ياڪن جو، ٻاويهون جمول جو؛

¹⁸ ٽيويهون دلاياہ جو، چوويهون معزرياہ جو.

¹⁹ اهو انهن جي خدمت جي ترتيب جو نمونو هو، تہ هو خداوند جي گهر ۾، جيئن کين هارون سندن پيءُ جو قانون ٻڌل هو، جو خداوند اسرائيل جي خدا کيس حڪم ڏنو هو.

²⁰ ۽ باقي بني لاويءَ مان: سوبائيل، جو عمرام جي پٽن مان هو؛ يهدياہ جو سوبائيل جي پٽن مان هو.

²¹ رحبياہ مان يسياہ سردار، جو رحبياہ جي پٽن مان هو.

²² اضهارين مان سلوموت؛ يحت، سلوموت جي پٽن مان هو.

²³ ۽ بني حبرون مان يرياہ سردار، ٻيو امرياہ، ٽيون يحزي ايل، چوٿون يعقمام.

²⁴ ميڪاہ، جو اعزي ايل جي پٽن مان هو؛ سمير، جو ميڪاہ جي پٽن مان هو.

²⁵ يسياہ، جو ميڪاہ جو ڀاءُ هو: زڪرياہ، جو يسياہ جي پٽن مان هو.

²⁶ محلي ۽ موشي، جي مراريءَ جي پٽن مان هئا: بنو، جو يعزياہ جي پٽن مان هو.

²⁷ بني مراري؛ بنو ۽ سوهم ۽ زڪور ۽ عبري، جي يعزياہ مان هئا.

²⁸ محليءَ مان اليعزر، جن کي ڪوبہ پٽ ڪونہ هو.

²⁹ قيس مان؛ يرحميئيل، جو قيس جو پٽ هو.

³⁰ محلي ۽ اعيدر ۽ يريموت، جي موشيءَ جا پٽ هئا. هاڻي اهي سڀ لاوين جي اباڻي گهراڻن جا پٽ آهن.

³¹ انهن سڀني بہ پنهنجن ڀائرن هارون جي پٽن وانگر، دائود بادشاهہ، ۽ صدوق، ۽ اخي ملڪ، ۽ ڪاهنن، ۽ لاوين جي اباڻي گهراڻي جي سردارن جي روبرو ڪڻا وڌا؛ يعني جهڙو وڏي جي اباڻي گهراڻن جو حق هو، تهڙو هن جي ننڍي ڀاءُ جي گهراڻي جو بہ هو.