Rroman 4 - Samburu

Nkurukoto e Abraam

¹ Nyo sa kijo iyioo ketumo akuyia lang Abraam?

² Amu tanaa apa keitaaki Abraam loosipat tankaraki asat, naa keata mbae nailachie, kake mara tekue Nkai.

³ Amu kejuaa Lkigerot? <>

⁴ Kore to ltung'ani oas siaai, meikeni laata enye aajo keing'errokaki, kake keikeni aajo ntoki naichiaakino ninye.

⁵ Kake kore ilo lemepik siligi asat enyena naasita, neiruk inia Ai naitaa laitarruok loosipat, naa keikenakini teinia kurukoto enye aajo loosipat.

⁶ Nejia sii eikuna Daudi payie elimu ng'ida naata ltung'ani oikena ꞉Nkai ajo loosipat, menya ajo nyo etaasa. Ketejo,

⁷ <

⁸ Neng'ida ilo tung'ani lemeikenaki ꞉Laitoriani ng'ok enyena.>>

⁹ Amaa ana ng'ida, noo Lyiaudi aapeny ana noo lkulie oreren sii? Amu ikijo nchere kore apa Abraam naa keikenaki aajo loosipat to nkurukoto enye.

¹⁰ Anu apa eikenaki ninye aajo loosipat? Ewuon eitu emurati ninye ana eidipaki aatumurat? Mara naa eidipaki aatumurat kake ewuon eitu emurati.

¹¹ Kore muratare, neng'amaa ana nkitodolunoto naitodolu sipata ajo kera apake loosipat to nkurukoto ewuon abaki eitu emurati, payie eaku ninye papa loo lolo pooki ooiruk neikeni ninche aajo loosipat, abaki memurata.

¹² Neitaae sii papa loo loomurata, lolo lamara ake kemurata, kake looibung'aa sii rriata le nkurukoto naata apa papa lang Abraam ewuon memurata.

¹³ Kore apa lekutuk oichoo ꞉Nkai Abraam o ichoi enye nchere keicho ninye nkop metaa nenye, naa eitu etum tankaraki naibung'a nkitanapat, kake ketumo tankaraki naikenaki aajo loosipat to nkurukoto enye.

¹⁴ Tanaa lolo ooirukurukore Nkitanapat e Nkai ootum inia naisiligie ꞉Nkai ninche, naa meitoki nkurukoto ara toki, neim ilo lekutuk siu.

¹⁵ Amu kore nayau nkitanapat naa ngoro e Nkai, kake kore nemetii nkitanapat naa meitoki egili.

¹⁶ Naaku nkurukoto naa ake eitacheyie lekutuk, payie eaku munyani e Nkai eirichakino, netum pooki ng'ae oata nkurukoto natuwuana naa Abraam sipata ajo ketum ilo lekutuk, namara te ilo apeny ooibung Nkitanapat, kake te ilo sii oiruk ana Abraam. Kera ninye papa loo iyioo pooki ooiruk,

¹⁷ ana naigeroki too Lkigerot Sinyat aajo, <> Kore apa Abraam naa kera ninye papa lang tekue nkonyek e Nkai, inia Ai apa nairuko naa ninye naicho nkichon lootuata neitaa ntokitin nemeatae apake metaa keatae.

¹⁸ Kore abaki meatae siligi, neisilig ake neiruk ajo keaku menye loo lochon kumo ana apa natiakaki, <>

¹⁹ Nedol ajo ketaarrarra oleng, netaa matejo laa larin ip nabo, nemekure eidimai payie etum Sara nkerai. Kake kore eyia, eitu echalu ninye to nkurukoto.

²⁰ Neitu etum lng'ach ajo kebaki nemebaya lekutuk le Nkai atuwuana ltung'ani lemeiruk Nkai, kake keitogoloki to nkurukoto enye eicho Nkai nkisisa.

²¹ Neata sipata katukul ajo kore ilo oitayia lekutuk naa keidim sii ataasa ana natejo.

²² Inia apa payie eikenaki ninye aajo loosipat.

²³ Kore ele rerei ojo, <> neitu eigeri tankaraki ninye apeny,

²⁴ kake tankaraki sii iyioo ooiruko Nkai naitipiwua Laitoriani lang Yeso taatua lootuata, neikenaki aajo loosipat.

²⁵ Keichooyieki apa ninye metari metua tankaraki ng'ok ang, neitipiuni payie eikenakini iyioo aajo loosipat.