Rroman 10 - Samburu

¹ Lalachera o nkanachera, kore nayieu oleng taatua ltau lai, naomon Nkai tankaraki ltung'ana lang loo Lyiaudi, naa payie eitejeuni.

² Kaata sipata naipirita ninche nchere kenyok aaisiaai Nkai, kake meyielo

³ inia naitaa ltung'ani asipani ta Nkai. Nenyok aaitaa ate loosipat, naaku eitu eitodoyio ate meitaa ꞉Nkai ninche loosipat.

⁴ Amu Kristo nkiting'oto ee nkitanapat, paa kore pooki ng'ae oiruk neikeni aajo loosipat.

⁵ Amu keigero ꞉Musa naipirita inia sipata natumi te nkibung'ata ee nkitanapat ejo, <>

⁶ Kore naipirita inia sipata nayau sotua oipida o Nkai natumi te nkurukoto naa inji ejo Lkigerot, <, eji ayau Kristo abori

⁷ nimijo sii, >>, eji aitai Kristo taatua lootuata.

⁸ Kake kejoito aa? Kejo, <>, ilo rerei taa oipirita nkurukoto nikilikoo.

⁹ Naaku tinimbalie iyie to nkutuk ino nchere kera Yeso Laitoriani, niruk ta ltau lino ajo keitipiwua ꞉Nkai ninye too lootuata, naa ikintejeuni iyie,

¹⁰ amu ta ltau eiruk ltung'ani neitaae loosipat, naa to nkutuk eibalie nejeu.

¹¹ Kejo Lkigerot Sinyat, <>

¹² Amu mepaacha ltung'ani loo Lyiaudi o loo lkulie oreren, ilo Aitoriani ake oara Laitoriani loo pooki, naa keicho mayianat enyena pooki ng'ae oipot ninye.

¹³ Amu, <>

¹⁴ Naa aji eiko ltung'ana teneipot ilo leitu eiruk? Naa aji eiko teneiruk ilo leitu apake ening? Naa aji eiko tenening tenemeata lalikoroni?

¹⁵ Naa aji eiko ltung'ana tenelikoo teneitu eirruaari? Ana naigero ajo, <>

¹⁶ Kake eitu eiruk pooki Lomon Supati, ana natejo loiboni le Nkai Isaya, <>

¹⁷ Naaku, kelotu nkurukoto te inia naning'i, naa kore inia naning'i kelotu te likoroto e rerei le Kristo.

¹⁸ Kake kaiparu, eitu sa ening ninche? Ketining'o dei, amu kejo Lkigerot, <>

¹⁹ Kaiparu sii aitoki, eitu apake ening'u Isirael? Ketining'o, kake eitu eng'amaa. Ketejo Musa, <>

²⁰ Netejo aitoki ilo oiboni Isaya te mpijan, <>

²¹ Kake kejoki ꞉ninye ltung'ana loo Isirael, <>