Mbolunoto 22 - Samburu

¹ Naaitoki ꞉lmalaika aitodol sere naing'uaa nkare e nkichui, naong ana nkilaas nerukunyie eing'uaa lorika le nkitoo le Nkai o lo Lkuo leker,

² nenang'ari aim nkiji e lketiketi le ilo kerenket. Kore lkokuno pukura le inia sere, netii lcheni le nkichui. Neiu lng'anayio nkatitin tomon o oare, meata lapa lemeiu lng'anayio. Kore mbene ilo cheni naa lmairo oichiunyie ltung'ana lbaa.

³ Nemeatae ldeket oichori metijing'a ilo kerenket, keti ilo kerenket lorika le nkitoo e Nkai o Lkuo leker, neisiaai Nkai ꞉laisiaayiak lenyena.

⁴ Kedol ꞉ninche nkomom e Nkai, neigeri nkarna enye too nkomomi enche.

⁵ Nemeatae kuarie te inie, nemeyieu ꞉ninche wong'an e ltaa tanaa ne ndama, amu Laitoriani Nkai oaku wong'an enche. Naa keitoreicho ninche ntarasi o ntarasi.

Nchukunoto e Yeso

⁶ Naajoki ꞉lmalaika, <>

⁷ Kejo Yeso, <>

⁸ Nanu koon Yoana otining'o nadol kuna baa pooki. Naa kore payie aaidip atining'o nadol nenia baa pooki, narriaa tee nkejek asai ilo malaika laaitoduaa nanu ana.

⁹ Kake naajoki lmalaika, <>

¹⁰ Munuk naibon e ana buku too ltung'ana, amu etaa kebau nkata nabaya.

¹¹ Kore ilo torno, nchoo elo kue eas ntorrok, kore ilo aitarruoni, nchoo elo kue aaku laitarruoni, kore loosipat nchoo elo kue eas sipat, nincho ilo sinyati elo kue eaku sinyati.

¹² Nejo Yeso, <

¹³ <>

¹⁴ Emayiana lolo ooituko nkilani enche metusupata, payie etum sipata naimie ltimito aajing ilo kerenket nenya lng'anayioi lo lcheni oata nkichui nemeiting.

¹⁵ Kake ta aulo e ilo kerenket apa etung'ayieki ltung'ana ootuwuana ldein tee nkichoni enche o lairupok o lolo ooboitiere lkulie tung'ana te sesen lamara lpayiani tanaa sii ntomonok enche o loaar ltung'ana metuata o loaasai nkaitok e sapare o pooki ng'ae oacham atasapicho.

¹⁶ <>

¹⁷ Kejo Ltau le Nkai o nkaibartani e Lkuo leker, <> Nchoo lolo pooki ooning inia ejo, <> Kore pooki oaata nkure neyieu nkare namat, wootu entamat nkare naata nkichui nemeitoki eitami.

¹⁸ Kaitemioki pooki ng'ae oning rereii le naibon e ana buku, nchere kore ake payie eponiki ltung'ani mbae ana buku, neponiki ninye ꞉Nkai mbaa torrok naaigero ta ana buku.

¹⁹ Naa kore ake aitoki teneitai ltung'ani rereii ta ana buku e naibon e Nkai, neoru ꞉Nkai ninye sipata nanyayie lng'anayio lo lcheni le nkichui o sipata najing'ie lkerenket sinyati ana naigero ta ana buku.

²⁰ Kejo Yeso, ilo oitai limunoto ee kuna baa, <> Metaa nejia, wou Laitoriani Yeso!

²¹ Metaa munyani e Laitoriani Yeso tenebo o ntae pooki.