Mbolunoto 19 - Samburu

Sinkoliotin le mirichoi te chumata

¹ Kore payie eidip ilo malaika kitok airoro, naning ltoilo otuwuana lo lturrur kitok te chumata ebuak ajo, <

² Kedede nkiguana enye nesipa, netudung'oka inia milayoi kitok nkiguana, inia naitarruoyie nkop ta sayiata ee nkaitok e sapare. Etudung'oka ꞉Nkai ninye nkiguana aitalaku laisiaayiak lenyena oaatara metuata.>>

³ Neitoki ltoilo otuwuana la laduo turrur kitok abuak ajo, <>

⁴ Nenang nkop inia kata laaduo payiani kutuaa 24 o naaduo tokitin ong'uan naaichu naatuwuana ng'uesi, aasai Nkai ewuon to lorika lenye le nkitoo. Nebuak aajo, <>

⁵ Naning ltoilo to lorika le nkitoo ejo, <>

Latim le nkiyema lo Lkuo leker

⁶ Naitoki aning ltoilo otuwuana ltoilo loo ltung'ana kumo oobuakita, tanaa nkuroto ee nkariak e naiurraur tanaa ndarat e nkukurrukurroto ojo, <

⁷ Mating'idata pooki nikichipa, nikincho ninye nkanyit! Amu etabawua nkata e nkiyema e Lkuo leker, neitanapa inia nayemi koon.

⁸ Eichoo ꞉Nkai ninye nanka supat napuyiapui naibor meichopo.>> Amu kore nanka napuyiapui keitacheki asat supati ee sinyat le Nkai.

⁹ Naajoki lmalaika, <> Naajoki aitoki, <>

¹⁰ Narriakino nkejek enyena asai, kake naajoki, <>

Ltung'ani otii nkeper e mbarta naibor

¹¹ Naitoki adol chumata etobole, naa ng'ura, eti mbarta naibor naitache teinie, naa kore lowuenita keji nkarna Loisiligai neji aitoki Lodede naa ndedei easichere tenedung nkiguana o tenenya larrabal o lmang'ati lenyena.

¹² Kore nkonyek enyena, neilu ana nkima nailu, netii nkopiyiani kunini e nkitoo kumo nkue enye. Netii nkarna naigerokino naa ninye ake openy oyielo kipirte enye.

¹³ Neimulmulakino nkila naitodokaki atua lodo, neji nkarna naipotieki, Rerei le Nkai.

¹⁴ Kore njorin pooki e chumata neirukurukore ninye edirita mbartan naaibor, neichopito nkilani naaibor supati naapuyiapui.

¹⁵ Neimu nkutuk enye lalem opi laa ninye earie lochon. Keitore ꞉ninye ninche to sobua e senkei, naa keruko lodo ana naruko nkare ee lng'anayio lo lmusabibu teneironyi, eitodolu inia ngoro e Nkai Napeny ngolon.

¹⁶ Kore nkarna naigero te nkila o te nkupes enye naa ana: <>

¹⁷ Nadol aitoki lmalaika oitache ta ndama, ebuaakita lmotonyi pooki oopuo ta ai ajoki, <

¹⁸ payie itumtum aatam nkiri ee lkinkii o lkutuaa loo sikarini o ltung'ana kutuaa o mbartan o ltung'ana oodir mbartan aareu o nkiri ee ltung'ana pooki, rrindiki o lamara rrindiki, lkunini o lkutuaa.>>

¹⁹ Nadol napa ng'ues torno o lkinkii pooki le nkop o njorin enche, eiturrurrunyie aanya larrabal o ilo odirita mbarta naibor o njore enye.

²⁰ Kake neibung'i inia ng'ues torno tenebo o loiboni le sapare oataasa mbaa kutuaa naaing'asicho tekue inia ng'ues. Kore nenia baa e nking'asia, netasapie ltung'ana pooki ootipikaki lminchire le inia ng'ues, lolo oaatasayia nkitanyanyukoto enye. Nenang'akini eichu inia ng'ues torno o loiboni le sapare mpaso e nkima nailu to ntoki naji salpa.

²¹ Kore nkulie jorin enche pooki, nemut ꞉ilo odirita mbarta ta lalem opi opuku to nkutuk enye. Neitiemu lmotonyi ate tee nkiri enche.