Matayo 5 - Samburu

Nkiteng'ena naiteng'eniche ꞉Yeso to ldonyuo

¹ Kore payie edol ꞉Yeso lturrurri, neiliep nkeper e ldonyuo. Kore payie ewuon, nepuonu looiteng'eni lenyena netii ninye,

² neiteng'en ninche ejo,

³ <

⁴ Emayiana lolo ooichir, amu keitigiri ninche.

⁵ Emayiana lolo oobor, amu ninche oojung nkop.

⁶ Emayiana lolo oaata sumach o nkure e sotua oipida o Nkai, amu keitiemuni ninche.

⁷ Emayiana lolo oaata lng'er, amu keing'erruni ninche.

⁸ Emayiana lolo oaata ltauja supati, amu kedol ꞉ninche Nkai.

⁹ Emayiana lolo ooitemeleticho, amu keipoti ninche aajo nkera e Nkai.

¹⁰ Emayiana lolo ooitami sina tankaraki naata sotua oipida o Nkai, amu nenche nkitoria e chumata.

¹¹ <

¹² Enting'idata, nichipapa amu keikitok laata inchi te chumata, amu nejia apake eikuna payie eitam sina loibonok le Nkai ootii tekue ntae.

Makaat o wong'an

¹³ <

¹⁴ <

¹⁵ Nemeinoki sii lkilang'ilang'et nepukurokini loket, kake kepiki nkeper e ng'oji netala, payie eitoong ltung'ana pooki ootii nkaji.

¹⁶ Nejia sii entaas ntae: Enchoo wong'an inchi metoong'a tekue ltung'ana, payie edol ninche asat inchi supati neisis Papa linchi oti chumata.

Eyewuo Yeso aitabaya nkitanapat

¹⁷ <

¹⁸ Naa kedede kajoki ntae, kore ana metabana neng'ututari chumata o nkop, meatae hooyia sirata anaa lkardati loo nkitanapat oimin eitu eitabari pooki naayieuni.

¹⁹ Metaa kore pooki ng'ae ogil Nkitanapata kini too kuna Kitanapat, eiteng'en lkulie metaasa nejia, naa keaku ninye le siedi te nkitoria e chumata. Kake kore pooki ng'ae oas, neiteng'enicho kuna Kitanapat, naa keipoti aajo lkitok te nkitoria e chumata.

²⁰ Amu kajoki ntae, tanaa mirara ltung'ana loosipat oleng aalang Lparisayo o laiteng'enak loo nkitanapat, naa mijing'jing katukul nkitoria e chumata.

Nkiteng'ena naipirita ngoro

²¹ < amu kore loar metua, naa keichiaakino neiguanareki.

²² < naa keichiaakino nkiguana e nkitoo ee Lyiaudi, naa kore ilo ojo likae, naa keichiaakino nelo lmoti le nkima.

²³ <

²⁴ tung'ai nkichooroto ino tekue lperere la lasar, nilo ang'as amelet o lalache lino, nilotu taa aitai nkichooroto ino tesiedi.

²⁵ <

²⁶ Kedede kaajoki mimpung'u teinie katukul, ana talaa sintii le siedi.

Nkiteng'ena naipirita loloito

²⁷ <

²⁸ Kake kajoki nanu ntae, kore pooki ng'ae oing'or ng'oriei, neng'uar, naa etaasa ninye loloito o inia ng'oriei ta ltau lenye.

²⁹ Kore tinikintasur ꞉nkong'u ino e tetene taasa ng'oki, tukurtu, nturrai. Amu naikach tininturraa rubata nabo e sesen, alang teneitodokini sesen lino pooki atua lmoti le nkima.

³⁰ Kore aitoki tinikintasur nkaina ino e tetene taasa ng'oki, tudung'u, nturrai. Amu naikach tininturraa rubata nabo e sesen alang teneitodokini sesen lino pooki atua lmoti le nkima.

Nkiteng'ena naipirita arata e nkauti

³¹ <

³² Kake kajoki nanu ntae, kore ilo oar nkauti e mparratut enye, mara ake teneas ꞉inia parratut enye loloito, naa etipika ninye mpaach metaasa loloito. Naa kore pooki ng'ae oyem mparratut nataraki nkauti naa ketipikaki rruachet naasie loloito.

Nkiteng'ena naipirita lmumai

³³ <

³⁴ Kake kajoki nanu ntae, emimanyare katukul, abaki chumata, amu ninye lorika le nkitoo e Nkai,

³⁵ tanaa nkop, amu ninye lorika loo nkejek enyena, tanaa Yerusalem, amu lkerenket le ilo Kinkii kitok.

³⁶ Nimimanyare sii nkue ino, amu miindim hoo aiborrie anaa aitoroko lpapita obo.

³⁷ Enchoo inchi metaa o metaa amu kore nkae namara ana, naa ilo torno eing'uaa.

Entacham lmang'ati linchi, nimintalaklak ntorrok

³⁸ <

³⁹ Kake kajoki nanu ntae, emimbooyo ltung'ani torno. Tinikiwoch ꞉ltung'ani seder e tetene, wuatuwuataki, mikitoocho nkae.

⁴⁰ Naa tinikiya ꞉ltung'ani mikinguanareki tankaraki keyieu nikisimarie nkila ino e atua, nchoo abaki ne oriong.

⁴¹ Naa kore likisimaki chomo kilomita nabo, chomo tenebo o ninye nkae nabo.

⁴² Kore likiomon, nchoo, nimirriny sii ꞉ilo likiyieu nikisilen.

Entacham lmang'ati linchi

⁴³ <

⁴⁴ Kake kajoki nanu ntae, entacham lmang'ati linchi, niomonokiki lolo ooitam ntae sina,

⁴⁵ payie itumtum aataa nkera e Papa linchi oti chumata. Amu keitoong'oki ꞉ninye ndama lolo torrok o supati, neicho nchan loosipat o lamara loosipat.

⁴⁶ Amaa, tinichamcham lolo oaacham ntae, nyo laata nitumtum ntae? Amaa, meas echi laitalakunok le kodi nejia?

⁴⁷ Naa amaa, tinirorokiki lalachera linchi aapeny, nyo supat nitaasa alang nataasa lkulie? Aa meas echi lolo lemeyielo Nkai nejia?

⁴⁸ Naaku, kore sii ntae, entaa lemeata ntioto ana payie era Papa linchi oti chumata lemeata ntioto.