Matayo 4 - Samburu

Etetemaki Yeso te lkees

¹ Nerik ꞉Ltau Sinyati Yeso atua lkees metetema ꞉Chitani.

² Neen ꞉ninye nkutuk mperot artam eitu enya ndaa kuarie o parkiji, near ꞉sumach.

³ Nelotu ilo atemani netii ninye nejoki, <>

⁴ Kake nejoki ꞉Yeso ninye, < >>

⁵ Neitoki Chitani arik ninye lochi kerenket sinyati, neitacheyie to ng'oji neodo aisul pooki ta nkaji e Nkai.

⁶ Nejoki, < >>

⁷ Nejoki ꞉Yeso, < >>

⁸ Neitoki Chitani arik ninye nkeper e ldonyuo oodo oleng, neitodol nkitoria ee nkopi o murdaicho pooki enche.

⁹ Nejoki, <>

¹⁰ Kake nejoki ꞉Yeso ninye, < >>

¹¹ Kaa hae, neing'uaa ꞉Chitani ninye, nepuonu lmalaikani le Nkai aaisiai ninye.

Ng'asunoto e siaai le Yeso ta Galilaya

¹² Kore payie ening ꞉Yeso ajo eteenaki Yoana, nechuko alo Galilaya.

¹³ Kore payie eiwuot te lkerenket le Nasaret, nelo awuon te lkerenket le Kapernaum otii nchepata e mpaso, e nkop e Sebulun o Naputali,

¹⁴ payie ebaya inia apa natejo loiboni le Nkai Isaya,

¹⁵ <

¹⁶ Kore lolo tung'ana otii atua naimin, etoduaa ninche wong'an kitok oleng, naa kore sii lolo otii nkop naimulayie ꞉loip lo lkiye, etoong'aka ninche wong'an.>>

¹⁷ Kore te inia kata, neng'asu Yeso alikoo ajo, <>

Eipoto ꞉Yeso looiteng'eni lenyena lekue

¹⁸ Kore mparri nabo echepita ꞉Yeso mpaso e Galilaya, nedol lalachera oare, enang'akita lgiitani atua mpaso, amu kera apa ninche laibung'ak loo sinkirri. Kore lobo naa Simon, oichooki kenya nkarna naji Petero, neji ilo likae Andirea.

¹⁹ Nejoki ninche, <>

²⁰ Neing'uaa lgiitani lenche nabokata, neirukurukore ninye.

²¹ Kore eloito te inie, nedol aitoki lkulie alachera oare, Yakobo layieni le Sebedayo o lalache lenye Yoana, etii atua meli aaitibir lgiitani o papa lenche Sebedayo. Neipotu ninche.

²² Neing'uaa nabokata meli o papa lenche, neirukurukore ninye.

Eiteng'ena ꞉Yeso ltung'ana, neichiunyie ltamoyia

²³ Nemanaa Yeso taatua Galilaya pooki, eiteng'enicho taatua Sinagogini, nelikoo Lomon Supati le nkitoria, neichiunyie nkeeyaitin pooki o moyianitin taatua ltung'ana.

²⁴ Nebulaa lomon lenyena ana metabaki nkop e Siria pooki. Neyaki ninye ꞉ltung'ana ltamoyia pooki, oaata moyianitin naapaacha, lolo oaata mion kitok o loaata lairiruani o loaata moyian e nkiterria o lolo ootigilgilete, neichiunyie pooki.

²⁵ Neirukurukore ninye ꞉lturrurri kumo ooing'uaa Galilaya o Dekapolis o Yerusalem o Yudea o ildo kokun le sere e Yordan.