Matayo 27 - Samburu

Ewaki ꞉Yeso netii Pilato

¹ Kore payie eaku tasiran, nedung lkutuaa laa laitainok la lasar o lpayiani pooki nkiguana aajo kear Yeso metua.

² Neen ninye, nepuo aarik, nepik nkaik e lkitok loo Rroman oitoreicho to nkop e Yudea, oji Pilato.

Lkiye le Yudas

³ Kore payie edol ꞉Yudas, ilo otilikoyie ninye, ajo ketudung'okaki Yeso nkiguana e lkiye, nenyau inia nataasa. Nerrinyoki lkutuaa laa laitainok la lasar o lpayiani ropiyiani osom,

⁴ ejoito, <> Nejo ninche, <>

⁵ Nenang'aki nenia ropiyiani nkaji e Nkai, neipung, nelo ailili koon agor to lgiita.

⁶ Kore lkutuaa laa laitainok la lasar, nerrapu nejo, <>

⁷ Kore payie eiguana ninche, neinyiang'u tee nenia ropiyiani ng'oji neji <> payie enukarie ltung'ana leiching'a.

⁸ Tankaraki inia payie etejoki inie ng'oji, <> ana o taata.

⁹ Kore te inia kata, nebaya nairoro apa Nkai aimu loiboni lenye Yeremia ejoito, <

¹⁰ Neinyiang'unyie nenia ropiyiani ana naaiparaka nanu Laitoriani.>>

Eiparichiere ꞉Pilato Yeso

¹¹ Kore inia kata eitache Yeso tekue ilo kitok loo Rroman oitoreicho te Yudea, neipar ꞉ilo kitok ajoki, <> Newoliki Yeso ajoki, <>

¹² Kake kore payie eitar kusaka ꞉lkutuaa laa laitainok la lasar o lpayiani, neitu ewoliki ninche hoo toki.

¹³ Nejoki inia kata ꞉Pilato ninye, <>

¹⁴ Kake eitu eicho wolet, abaki e mbae nabo naiteenikaki. Kore tankaraki inia neing'asia ilo kitok oitoreicho oleng.

Etudung'okaki Yeso nkiguana e lkiye

¹⁵ Kore nkata pooki e ntasim e Pasaka, naa keata ilo kitok lkerreti olakunyie ltung'ani obo oena, ogelu ꞉lturrur.

¹⁶ Kore apa te inia kata neatae ltung'ani yieloti oena oji Barabas.

¹⁷ Nchoo Pilato, eidipa ltung'ana aaiturrurroto, nejoki ninche, <>

¹⁸ Amu keteyielo ajo keyeutua ꞉ninche Yeso netii ninye tankaraki lom.

¹⁹ Kore ewuon Pilato to lorika le nkiguana, nerewaki ꞉ntomononi enye lkilikuai ajoki, <>

²⁰ Kake kore lkutuaa laa laitainok la lasar o lpayiani, nelej ltung'ana metoomonu metalakuni Barabas neichooyo Yeso metari.

²¹ Neitoki taa loitoreicho aipar ltung'ana ajoki, <> Nejo ninche, <>

²² Nejoki ꞉Pilato ninche, <> Nejo pooki, <>

²³ Nejoki Pilato ninche, <> Kake nebuak ninche oleng nalang duo ejo, <>

²⁴ Kore payie edol ꞉Pilato ajo meatae neidim ataasa, neng'asuta ltung'ana aaing'olng'ola, nerrapu nkare neituk nkaik enyena tekue lturrur, nejo, <>

²⁵ Newolu ltung'ana pooki ejo, <>

²⁶ Nelaaki ninche ꞉Pilato Barabas, naa kore payie eidipi aaidong'o Yeso te liche naenikino loik oopi, neichooyo ninye metechei to lmusalaba.

Eikordodita ꞉sikarini Yeso

²⁷ Nerik sikarini lo loitoreicho Yeso atua lgilata le nkaji oji Praitoria, neiturrur lturrur pooki loo sikarini tekue ninye.

²⁸ Neitai nankan, neichopoki lkila onyiekie,

²⁹ neitibir nkopiyia ee lkuku, neichopoki nkue enye, nepik sobua nkaina enye e tetene, negilaki kung neikordodoo ninye ejo, <>

³⁰ Nenataki ninye nkamlak, neoru sobua neidong'ie nkue enye.

³¹ Kore payie eidip aaikordodo ninye, neitai naduo anka, neichopoki nankan enyena, nerik aapuo aache to lmusalaba.

Etechoki Yeso to lmusalaba

³² Kore eipung'uto aapuo aache ninye nenang'are ltung'ani le Kirene oji Simon, neisimaki ninye metanapa lmusalaba le Yeso.

³³ Kore payie ebaya ng'oji neji Golgota, aa keji <>

³⁴ neicho ꞉ninche Yeso naichuo e lmusabibu nachulakino lodua metamata, kake kore payie eichamcham naaku meyieu nemat.

³⁵ Kore payie eidip aateche, neor nankan enyena enuk nkuko.

³⁶ Nejo siap aarrip ninye te inie.

³⁷ Nepik te keper nkue enye lkigerot oaatarieki oojo, <>

³⁸ Nechei sii te inia kata lapurrok ooricho oare tenebo o ninye, lobo te tetene enye o lobo te kidienye.

³⁹ Kore lolo ooimita nkoitiei nedek ninye, eipirpir nkuechi enche

⁴⁰ ejoito, <>

⁴¹ Nejia sii aitoki etaasa lkutuaa laa laitainok la lasar o laiteng'enak loo nkitanapat o lpayiani aaikordodoo ejoito,

⁴² <

⁴³ Keisilig Nkai, nchoo naa taata meitejeu ninye tanaa keyieu, amu ketejo ninye, >>

⁴⁴ Kore abaki laaduo apurrok ootechoki o ninye nedek ninye ana duo neikuna ꞉lkulie.

Lkiye le Yeso

⁴⁵ Kore payie eaku saai ile, neaku naimin to nkop pooki ana metabaki saai saal.

⁴⁶ Kore nochi naaku saai saal, neichir Yeso abuak to ltoilo sapuk ejo, <> Kore nautu inia naa ana, <>

⁴⁷ Kore lkuti tung'ana ooitachoo te inie, nening inia nejokino maate, <>

⁴⁸ Nejo kar lobo lenche neyau mputaput. Neiput naichuo naisiicho, neremoki inia putaput loperriai neicho metamata.

⁴⁹ Kake nejo lolo lkulie, <>

⁵⁰ Neitoki Yeso abuak to ltoilo sapuk, nedung'o tau.

⁵¹ Kore inia kata, nekija nochi anka naisiapaa nkutuk e Ng'oji Sinyati naaisul pooki ta nkaji e Nkai nkatitin are, ang'asu te keper ana meipung'o, neikirikiro nkop, nebaa ndadapo.

⁵² Nebolo sii nkurare, neitipiuni seseni kumo loo lolo sinyat apa ooteperio.

⁵³ Naa kore eidipa Yeso atipiu, neipung ninche too nkuraren, nepuo lochi kerenket sinyati, neipung'oki lkumo.

⁵⁴ Kore payie ening ꞉lkitok loo sikarini o lolo otii tenebo o ninye aarripito Yeso nkikirikiroto e nkop, nedol mbaa naataasate, neiputukuny oleng nejo, <>

⁵⁵ Keti sii apa ntomonok kumo inie naaing'oricho elakua, ꞉nenia naairukurukore apa Yeso ang'asu te Galilaya payie eisiai ninye.

⁵⁶ Kore taatua ninche netii Maria Magadalena o Maria ng'otonye Yakobo o Yosep, o ng'otonye layiok le Sebedayo.

Nukaroto e Yeso

⁵⁷ Kore payie emutu nelotu ltung'ani garsis oing'uaa Arimataya, oji Yosep, oataa apa loiteng'eni le Yeso.

⁵⁸ Nelo ninye neti Pilato, neomon sesen le Yeso, neitanapicho Pilato meichori.

⁵⁹ Neya Yosep sesen neirin ta nanka supat napuyiapui,

⁶⁰ neiteper to nkurarei enye ng'ejuk, natuturo ninye to soit. Kore payie eidip aibeleleng'oki soit sapuk nkutuk e nkurarei, nelo aing'uaa.

⁶¹ Netii inie Maria Magadalena o nochi Maria nkae, ewueni aaitalang'akinere inia kurarei.

Neikunaki tenerripi nkurarei

⁶² Kore teisiere ta mparri e Sabato, neiturrurro lkutuaa la laitainok la lasar o Lparisayo tekue Pilato

⁶³ nejo, <

⁶⁴ Naaku naa, ntanapicho metirripi nkurarei ana metabaki mparri e uni, payie mepuonu looiteng'eni lenyena aapurroo, nejoki ltung'ana nchere ketipiwua aing'uaa lootuata, naa kerepaa sapare e siedi inia apa ekue.>>

⁶⁵ Nejoki Pilato ninche, <>

⁶⁶ Nepuo ninche aaing'uaa inie, nerrip nkurarei aitirrichaki aapik soit ntoki naitodolu teneigutugutieki, nepik sii sikarini oorrip.