Matayo 23 - Samburu

Nkiteng'ena naipirita Laiteng'enak loo nkitanapat

^1-2 Neirorie ꞉Yeso lturrurri o looiteng'eni lenyena ajoki, <

³ Kore tankaraki inia, embung'a niasias pooki naaliki ꞉ninche ntae, kake emias naas, amu kelikoo kake meas.

⁴ Keen lkurupa oirochi, lemeidimu ltung'ani atanapa, neiteleki sipi loo ltung'ana, kake kore ninche naa meyieu hoo abaki neapaki lkumojino obo lenche.

⁵ Kore asat enche pooki, naa keas metoduaa ꞉ltung'ana. Amu, keeniki nkomomi enche o nkaina nabo mbenia sapuki naaitodokino ꞉Lkigerot. Neitoodor aitoki oleng lpiyayo loo sarkuda ee nkilani enche, payie edoli aajo keyanyit Nkai.

⁶ Necham aatewuenie lorikan lekue laa latimi, o lorikan supati le Sinagogi,

⁷ necham neirorokini too ng'ojitin nemirichiereki o teneipoti aajo,

⁸ Kake emincho meipoti ntae aajo amu lobo ake Laiteng'enani linchi, nirara ntae lalachera.

⁹ Naa emiimpot ltung'ani aajo to nkop, amu lobo ake Papa linchi, naa ilo oti chumata.

¹⁰ Nemeipoti sii ntae aajo amu lobo ake lautaroni liatata, naa ninye Mesia.

¹¹ Kore ilo kitok taa ntae, naa meata ajo meaku laisiaayiani linchi.

¹² Kore pooki ng'ae oiliepie koon, neitodouni, naa kore loitodou koon neiliepieki.

Oi siake ntae looitaakino!

¹³ <

¹⁴ Oi ntae, laiteng'enak loo nkitanapat o Lparisayo ooitaakino! Imutmut ntokitin taa nkajijik ee nkoilia nintoodororo nkomono intaakinono. Naaku kedung'okini ntae nkiguana torno oleng.

¹⁵ Oi ntae laiteng'enak loo nkitanapat o Lparisayo ooitaakino! Injulolo ta mpaso o to nkop iyiayaya ltung'ani obo meibelekenyai aaku loo Lyiaudi. Naa kore payie eibelekenya, nintaa ninye nkerai e lmoti le nkima nkatitin are alang nitiuu ntae.

¹⁶ Oi ntae larikok modook, ntae oojo,

¹⁷ Ntae kulo mada modook! Amaa, aa naisul, saabu tana ꞉nkaji e Nkai naitisinya saabu?

¹⁸ Naa ijoijo sii,

¹⁹ Ntae modook! Amaa, aa nkitok, inia kichooroto tana ꞉lperere la lasar oitisiny inia kichooroto?

²⁰ Naaku, kore pooki ng'ae oimanyare lperere la lasar naa etamie ilo korror o pooki toki natii nkeper enye lmumai.

²¹ Kore lonyayie lmumai nkaji e Nkai, naa etamie inia aji o ilo owuenie atua.

²² Naa kore pooki ng'ae, onyayie chumata lmumai, naa etamie ilo orika le nkitoo e Nkai o ilo owuenie ilo orika.

²³ <

²⁴ Oi ntae larikok modook! Ibiriri lajing'a kake niijoo ntamesi!

²⁵ Oi ntae laiteng'enak loo nkitanapat o Lparisayo ooitaakino! Intuktuk oriong e lkikompe o ne ncharaa, naa kore atua, nebore nkisima, nemetii nkibooroto e koon.

²⁶ Iyie Lparisayoi modooni! Ntuko ang'as atua lkikompe o ncharaa, payie esupatu sii oriong.

²⁷ <

²⁸ Nejia sii itiuu ntae, kore tooriong, nilioii aajo irara loosipat tekue ltung'ana, kake kebore atua ntae nkitaakino o ntorno.

²⁹ <

³⁰ Nintokiki aajo,

³¹ Naaku itachamaitie maate aajo, irara nkera ee ꞉lolo oaatara loibonok le Nkai.

³² Entabai naa riot ee lmakui linchi!

³³ <

³⁴ Naaku, karewaki ntae loibonok o ltung'ana ng'eni o layielok loo Lkigerot, naa icheche lbata niarar metuata, nindongdong lkulie tee Sinagogini inchi, nintamtam sina tankaraki nkurukoto enche, irukoo lkerenketi linchi aar.

³⁵ Kore tankaraki inia, keikenakini ntae lodo loo lolo oopeny sipat oibukoyieki to nkop, ang'asu lodo le ilo oji Abel metabaki lodo le Sakaria, layieni le Barakia ilo litara terichet nkaji e Nkai o lperere la lasar.

³⁶ Kedede kajoki ntae, keipari nenia baa pooki ltung'ana le ana pukunoto.

Eichiraka ꞉Yeso Yerusalem

³⁷ <

³⁸ Ng'ura, etung'akaki ntae nkaji inchi era mijoni.

³⁹ Amu kajoki ntae, mikintokiki aadol nanu ang'asu taata, ana entejo, >>