Matayo 12 - Samburu

Laitoriani le Sabato

¹ Kore te inia kata, neimaa ꞉Yeso lchampai mparri e Sabato. Kore tankaraki natara looiteng'eni lenyena ꞉sumach, neng'asu aagilu nkuechi ee lperes le nkano payie enya.

² Kore payie edol ꞉Lparisayo, nejoki Yeso, <>

³ Newoliki ajoki, <

⁴ neikuna ꞉ninye payie ejing nkaji e Nkai, nenya ninche mukateni naaitakaki Nkai? Kore nenia mukateni, naa meiririkino too nkitanapat payie enya ꞉ninche, mara ake laitainok la lasar.

⁵ Amaa, eitu isomsom too nkitanapat nchere, ketigila apa laitainok la lasar etii nkaji e Nkai aasicho nkitanapat e Sabato, nemeata kusaka?

⁶ Kake, kajoki ntae, ketii ene loata tipat alang nkaji e Nkai.

⁷ Naa tanaa iyielolo naipirita kulo rereii oojo, anata duo eitu idung'okiki nkiguana lolo lemeata kusaka.

⁸ Naaku, Nkerai e Ltung'ani Laitoriani le Sabato.>>

Eichiunyie ꞉Yeso ltung'ani ta mparri e Sabato

⁹ Kore payie eing'uaa ꞉Yeso inie ng'oji, nelo ana metabaki Sinagogi enche.

¹⁰ Netii inie ltung'ani oikaolo nkaina. Neipar ꞉Lparisayo Yeso aajoki, <> Naa keiparutua ana payie etum ntoki naibung'ie Yeso nelikoo meiguanareki.

¹¹ Nejoki, <

¹² Amaa! Mara keata ltung'ani tipat alang nker? Kore tankaraki inia, naa keichiaakino teneasi mbaa supati mparri e Sabato.>>

¹³ Nejoki ilo tung'ani, <> Neitorioo nkaina, neichiu asupatu aitoki ana anda nkae.

¹⁴ Neipung Lparisayo, neiparakino loseg oarie ninye.

Laisiaayiani gelunoti le Nkai

¹⁵ Kore tankaraki nayielo Yeso loseg lenche, neing'uaa inie, neirukurukore ꞉ltung'ana kumo, neichiunyie pooki.

¹⁶ Neitaarriyian ninche payie meibalie ninye.

¹⁷ Ketaasate kuna payie ebaya apa natejo loiboni le Nkai Isaya.

¹⁸ <

¹⁹ Meichankarra, nemebuak, nemeata ltung'ani oning ltoilo lenye too nkoito.

²⁰ Nemegil lperesi oilienye, nemear sii nkitampi e ltaa napuru, ana meisula sipat.

²¹ Neisilig nkarna enye ꞉lochon.>>

Etukusakanaki Yeso pecheu

²² Neyakini Yeso ltung'ani oata lairirua, naa modooni, nemeiro. Neichiunyie ꞉Yeso ninye, meiroro, nedolicho.

²³ Neing'asia ltung'ana pooki, nejo, <>

²⁴ Kake kore payie ening ꞉Lparisayo ana nejo, <>

²⁵ Kore ana nateyielo Yeso mparrunot enche, nejoki ninche, <

²⁶ Kore tanaa kemiraa ꞉Chitani Chitani, naa koon naa erare. Kaji aitoki eiko nkitoria enye teneitache?

²⁷ Naa amaa, tanaa kaaraa nanu lairirua to ngolon e Beelsebul, to ngolon e ng'ae earaa looiteng'eni linchi? Naaku naa, keaku ninche looiguanare ntae.

²⁸ Kake tanaa kaaraa nanu lairiruani ta Ltau le Nkai, naaku eidipa nkitoria e Nkai ayeu nitii ntae.

²⁹ Anaa, aji eiko ltung'ani tenejing nkaji e ltung'ani ogol aisimarie ntokitin enyena, mara ketang'asa aen ilo openy nkaji? Kore inia kata, netum inia aji enye.

³⁰ Kore lamaatii tenebo naa lmang'antita lai, naa kore lemeiturrur o nanu naa kesachaa.

³¹ Naa kore tankaraki inia, kajoki ntae, kepalikini ltung'ana ng'oki o ldeket pooki, kake kore ilo otediaa Ltau Sinyati, naa mepalikini.

³² Kore pooki ng'ae oiro rerei torno te Nkerai e Ltung'ani naa kepalikini, kake kore pooki ng'ae oiro rerei torno ta Ltau Sinyati, naa mepalikini tana ng'amata anaa ta ng'amata nalotu kenya.

³³ <

³⁴ Ntae ichioi ee lasuria, aji inkoko tiniroro lomon supati, nirara maate torrok? Amu kore nenia naabore ltau lo ltung'ani, naa ninche eiro nkutuk enye.

³⁵ Kore ltung'ani supat neiu supati taatua nchumat enyena, neiu sii ltung'ani torno ntorrok taatua nchumat enyena.

³⁶ Kajoki naa ntae, kore rerei pooki lemeata tipat ooiro ꞉ltung'ana, naa keipari kenya ta mparri e nkiguana.

³⁷ Amu te rerei lino ikinkenakini sipat, naa te rerei lino sii kidung'okini nkiguana.>>

Keiguanareki ꞉lolo lemeiruk aajo kera Yeso Mesia

³⁸ Neitoki Lparisayo o laiteng'enak loo nkitanapat aajoki ninye, <>

³⁹ Newoliki ninche ajoki, <

⁴⁰ Naa kore ana natepero apa Yona mperot uni, kuarie o parkiji, to nkocheke e sinkir sapuk, naa keper sii Nkerai e Ltung'ani mperot uni, kuarie o parkiji, taatua lodo le nkop.

⁴¹ Keitachoo kenya lewa le Ninawi o kulo tung'ana le mpukunoto torno o le mpukunoto nemeata nkurukoto ta mparri e nkiguana. Kore lolo lewa le Ninawi, nedung'oki nkiguana torno kulo tung'ana, tankaraki keibelekenyete apa ninche, te likoroto e Yona, naa eng'ura ketii ene lara kitok alang Yona!>>

⁴² Keipung'unyieki kenya nkinkii naing'uaa kopikop ta mparri e nkiguana, tenebo o kulo tung'ana, neiguanare ninche. Amu keyewuo eing'uaa neiting'ie nkop ainining'u ng'eno e Solomon, naa eng'ura, ketii ene lara kitok alang Solomon!

Nchukunoto e lairiruai

^43-44 < Kore payie ebau, nedol ajo nkaji narok ake inia, netooroki, neitibiraki,

⁴⁵ nelo ariku lkulie airiruani sapa torrok oaalang ninye, nejing nemany inie. Nerroyo nkichon e siedi e ilo tung'ani alang napa ekue. Nejia naa kenya etiiu kulo tung'ana le ana pukunoto torno.>>

Ng'otonye Yeso o lalachera lenyena

⁴⁶ Kore ewuon eirorie Yeso lturrurri, neitache ng'otonye o lalachera lenyena to boo eyieu neirorie ninye.

⁴⁷ Nejoki ꞉ltung'ani obo ninye, <>

⁴⁸ Neng'amaa ajoki, <>

⁴⁹ Neutaki looiteng'eni lenyena ta nkaina ajoki, <

⁵⁰ Amu kore pooki ng'ae oaas nenia naayieu ꞉Papa lai oti chumata, naa ninye lalache lai o nkanache ai o yieyio lai.>>