Marko 3 - Samburu

Eichiunyie ꞉Yeso ltung'ani oikaolo nkaina ta mparri e Sabato

¹ Neitoki Yeso ajing atua Sinagogi, netii inie ltung'ani oikaolo nkaina.

² Newueni ltung'ana aaleen tanaa keichiunyie ꞉Yeso ilo tung'ani ta mparri e Sabato payie etum aatilikoi ninye meiguanareki.

³ Nejoki Yeso ilo tung'ani oikaolo nkaina, <>

⁴ Neipar ꞉Yeso ninche, ajoki, <> Kake nejo ꞉ninche tau!

⁵ Neitamanaa nkonyek aing'or ninche to ngoro, eisinanio oleng tankaraki e ngolon ee nkuechi enche, nejoki ilo tung'ani, <> Neitusunyaa nkaina enye, neichiu asupatu aitoki.

⁶ Neipung Lparisayo nabokata aaiguana tenebo o lolo tung'ana le Erode, aayiaya loseg oaarie Yeso metua.

Eotuo lturrurri kumo netii Yeso

⁷ Neing'uaa Yeso inie, nelo o looiteng'eni lenyena nchepata e mpaso, neirukurukore lturrur kitok ninche oing'uaa Galilaya.

⁸ Naa kore tankaraki naning'orita ltung'ana mbaa kumo e nking'asia naasita Yeso, nepuonu eing'uaa Yudea o Yerusalem o Idumea o lkokun le Yordan o looing'uaa aitoki Tiro o Sidon, netii ninye.

⁹ Naaku kore tankaraki ilo turrur kitok, nejoki ꞉Yeso looiteng'eni lenyena meitibira meli pee meiding'akini ninye.

¹⁰ Amu /keichiunyie apa lkumo, metaa kore lolo pooki oata moyianitin, nediding'unye aayiaya nkoitiei naiseyie ninye.

¹¹ Naa kore aitoki nkata pooki nadol ninye ꞉lairiruani, nerriaa ninche tekue ninye neichir aabuak, aajo, <>

¹² Kake neing'ode ꞉Yeso ninche ajoki, pee melikoo aajo ng'ae era.

Ngelunoto ee lkipaareta tomon o oare

¹³ Neiliep Yeso alo lowua, neipot lolo ooyieu ꞉ninye, nepuonu ninche netii ninye.

¹⁴ Negelu tomon o oare, neicho nkarna ajo <>, pee eaku tenebo o ninye, netum sii airruai ninche mechomo aalikoo Lomon Supati.

¹⁵ Neicho nkitoria naararie lairiruani meeipung'o, neichiunyie moyianitin.

¹⁶ Naa kulo tomon o oare taa apa etegelua ninye: Simon oichoo nkarna naji Petero

¹⁷ o Yakobo layieni le Sebedayo o lalache lenye oji Yoana, oichoo ninche nkarna naji Boanerges aa keji layiok le nkurrukurroto

¹⁸ o Andirea o Pilipo o Batolomayo o Matayo o Tomas, o Yakobo layieni le Alpayo, o Todayo o Simon ilo agoloni

¹⁹ o Yudas Isikariot, lapa otilikoyie Yeso meibung'i.

Yeso o Beelsebul

²⁰ Nejing Yeso nkang, neitoki ltung'ana aaiturrurrokino ninye o looiteng'eni lenyena, metala ninche neiko tenenya ndaa.

²¹ Kore pee ening ꞉nkang enche ana, nepuo aibung ninye ayau, amu ketejo merekure ebore nkue.

²² Nejo laiteng'enak loo nkitanapat ooing'uaa Yerusalem, <>

²³ Neipot ꞉Yeso ninche meotu netii, neirorie ninche tee nkitanyanyukot ajoki, <

²⁴ Naa kore teneoro nkitoria arere koon, meidim inia kitoria aitacho.

²⁵ Kore teneoro nkaji arere koon naa meidim inia aji aitacho.

²⁶ Naa teneinyuototo Chitani arere koon netum oro, naa meitache nkitoria enye kake keiting.

²⁷ Nemeatae ltung'ani oidim atijing'a nkaji e ltung'ani ogol neisimaa aya ntokitin enyena, mara keteena ang'as ilo tung'ani ogol. Kore inia kata netum atupurro nkaji enye.

²⁸ Kake kedede kajoki ntae sipata nadede, kore pooki ng'oki o pooki deket odekicho ꞉ltung'ana menya ajo ldeket otuwuaja edekicho, naa kepalikini.

²⁹ Kake kore ꞉ltung'ani odek Ltau Sinyati, naa mepalikini ninye aikata, amu etaasa ninye ng'oki nabik ntarasi.>>

³⁰ Naa nejia etiaka ꞉Yeso ninche, tankaraki najoito, <>

Ng'ae ng'otonye o lalachera Yeso?

³¹ Nebau taa ng'otonye Yeso inie o lalachera lenyena. Kore eitachoo to boo, neirruaaya ltung'ani meipoto ninye.

³² Netii apa lturrur owuon aigilu Yeso, nejoki ꞉ninche ninye, <>

³³ Neng'amaa ꞉Yeso ninche ajoki, <>

³⁴ Neitamanaa ninye nkue aing'or lolo oowueni aigilu ninye, nejoki, <

³⁵ Amu kore pooki ng'ae oas yieunoto e Nkai, naa ninye lalache lai o nkanache ai o yieyio lai.>>