Marko 13 - Samburu

Etilimua ꞉Yeso arata kenya e nkaji e Nkai

¹ Kore eipung'uto Yeso taatua nkaji e Nkai, nejoki ꞉lobo loo looiteng'eni lenyena, <>

² Nejoki ꞉Yeso ninye, <>

Mbaa naaitodolu aajo ketaa kechukunyie Yeso

³ Kore ewuon Yeso to Lowua loo Lng'erriyio aitalang'akinere nkaji e Nkai, neiparichiere ꞉Petero o Yakobo o Yoana o Andirea ninye, aa ninche aapeny aajoki,

⁴ <>

⁵ Neng'asu ꞉Yeso airorie ninche ajoki, <

⁶ Amu kepuonu lkumo ta nkarna ai ejo, neitopong'oo lkumo.

⁷ Naa kore tinining'ning larrabali o lomon laa larrabali, emiguretu. Amu meatae ajo mepuku kuna kake ewuon ake eng'or nkiting'oto.

⁸ Keinyuototo locho arare likae ocho, nera nkitoria o nkae nkitoria, nepuku nkikirikiroto e nkop too ng'ojitin kumo, nepuku sii lameii. Kore kuna, naa ng'asunoto e mion e saisai.

⁹ <

¹⁰ Kake kore ang'as, meata ajo melikini loreren pooki Lomon Supati.

¹¹ Naa teneibung'i ntae, neichoori meiguanareki ntae, emiurie ewuon eng'or aajo nyo ijoijo. Kake kore ilo rerei oichori ntae inia kata, entejo amu mara ntae oiro kake Ltau Sinyati.

¹² Keichooyo ꞉lalache likae alache metari metua, neichooyo ꞉menye nkerai, neiwuatuwuatakino ꞉nkera ntoiwuo to ngoro, neichooyo ninche metari metuata.

¹³ Naa keibai ntae ltung'ana pooki tankaraki nkarna ai. Kake kore long'iri metabaki nkiting'oto, neitejeuni.

¹⁴ <

¹⁵ Kore ilo otii nkeper e nkaji emincho edou alotu aya ntoki natii atua nkaji enye.

¹⁶ Naa kore ilo otii atua lchampa, emincho errinyunyie aya nkila enye.

¹⁷ Oi siake nenia naatunutete o naaitanakicho tee nenia perot!

¹⁸ Entoomon pee mebau kuna baa ta ng'amata e nkijepe.

¹⁹ Amu kore kenya nenia perot, naa kelotu sina kitok, ilo leitu aikata edoli ang'asu inia kata naitibira Nkai nkop o taata, nemeitoki apuku aitoki.

²⁰ Naa kore teneitu eitodorrop ꞉Laitoriani nenia perot, meatae ltung'ani hoo obo oitejeuni. Kake kore tankaraki loogeluno lenyena, ootegelua ꞉ninye, neitodorrop ꞉ninye nenia perot.

²¹ Naa kore kenya inia kata tinikijoki ꞉ltung'ani, anaa emiiruk inia.

²² Amu kepuonu kenya looitaakino Kristo o looitaakino loibonok le Nkai, neitodolu nkitodolunot o mbaa e nking'asia, payie teneidimai, neitopong'oo lgelunot.

²³ Kake kore naa ntae, errita ate! Amu katilika ntae mbaa pooki ewuon eng'or nkata.

²⁴ <

²⁵ nesulunye lakir to loing'ang'e, neikirikirieki ngolon ee ntokitin naatii loing'ang'e.>

²⁶ <

²⁷ Neirruaaya lmalaikani lenyena, naa keiturrurru lgelunot too lubot ong'uan e nkop, ang'asu te nkiting'oto e nkop metebaki nkiting'oto e chumata.

Nkata nalotu Nkerai e Ltung'ani

²⁸ <

²⁹ Naaku naa, kore tinidoldol sii ntae kuna baa easai, enteyielo aajo etinyikua ninye nkutuk e ltim.

³⁰ Kedede kajoki ntae, meichunye naa ltung'ana le ana pukunoto eitu ang'as easai kuna baa.

³¹ Kore keper o nkop naa keichunye, kake meichunye rereii lainien.

³² Kore kenya inia parri anaa inia kata naa meata hooyia loyielo. Meyielo abaki ꞉lmalaikani le chumata anaa sii Nkerai, mara ake Papa apeny.

³³ Errita ate nirripichocho, amu miyielolo aajo anu ebau inia kata.

³⁴ Kore kenya inia kata naa nchi etuwuana ltung'ani olo nkae kop, neing'uaa nkang enye, neing'uaki laisiaayiak lenyena nkitoria, eoriki pooki ng'ae ramat enye, neitanap larriponi lo ltim metirripicho.

³⁵ Entirripicho naa, amu miyielolo nkata nalotu lopeny nkang, tanaa teipa, tanaa kiji kuarie, tanaa teneiru lkoko, tanaa tasiran,

³⁶ pee mejo ake pang, neirrachu ntae ilurara.

³⁷ Kore ana najokita ntae naa kajoki ltung'ana pooki, >>